Bičepangre 26:29 - O Debleskro Lab 2024 (Sinte-Manouche)

²⁹ O Paulo penas ap leste: “Tikno tsiro, rah tsiro, – me mangau o Debles, te vess tou oun kol tsele vavar, kay man kate shounan, patslo har me patslo hom. Hoy gar kamau, hi, te vess pandlo, har me.”

O Debleskro Drom 2021 (Sinte)

²⁹ O Paulo penas ap leste: “Tikno tsiro, rah tsiro, – me mangau o Debles, te wess tu un kol tsele wawar, kai man kate shunan, patslo har me patslo hom. Hoi gar kamau, hi, te wess pandlo, har me.”

Bičepangre 26:29 Referans Kwoze

Efesarja 6:20

Koy boudi das man o Yezous Kristo. Doleske hom me kanna stildo. Ava, mangenn o Debles mange, te darap gar oun rakrap yaake, har miri boudi hi.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Bičepangre 21:33

Oun ko pralstouno lourdo djas pash o Pauleste, tapras les, moukas les douy sasterne shellentsa te pandell, oun poučas halauterendar: “Koon hi kova? Oun hoy kras kova?”

2. Korintarja 11:1

Moukenn man yek kopo yaake te rakrap, har te voms dinelo! Shounenn, hoy kamau t'menge te penell!

1. Korintarja 7:7

Ninna te kamoms, te vals hakeno gar romedino, yaake har me gar romedino hom, kova djal gar. Mer ham gar yek har o vavar. Yaake har o Devel kamella, hi yek romedino oun ko vavar romedinerell gar.

1. Korintarja 4:8

T'mer krenn, har te vans čalo oun djinans halauter. T'mer krenn, har te vans bravelo. T'mer krenn, har te vans raya. Mer ham kek raya. Me kamoms, te vans čačepah raya. Palle vams mer t'mentsa khetne raya.

Bičepangre 25:14

Oun yon ačan boudeder divessa koy. Oun o Festo rakras leha pral o Pauleste oun leskro koova, oun penas ap leste: “O Felix, kay kras koy boudi glan mande, moukas mange i morshes kate an o stilepen.

Bičepangre 12:6

An i rat glan ko dives, kay kamas o Herodes les vin anell, te dell lo les i phagi, sovas o Petro mashkral douy lourdende. Yob his pandlo douy sasterne shellentsa, oun douy lourde dan yak glan o voudar.

Johanni 5:34

Man hounte vell kek mensho, kay penell pral mande vin. Hi t'menge, kay rakrom pral kova, hoy o Yohanni pral mande penas, te patsenn t'mer oun venn dran o čilačepen oun o merepen vin lino.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

2. Rajengro liil 5:3

Koy terni čay penas ap peskri rayetsa: “Ah, te vals miro ray pash ko Debleskro rakepaskro an Samaria! Kova nay lals ko nasslepen ap leskro mass lestar krik.”

4. Mose 11:29

O Mose penas ap leste: “Kreh tou kova mange? Me kamoms, te dals o baro Devel peskre tsele menshende peskro dourho, te vans le halauter Debleskre rakepangre, kay leskre laba vin kharenna.”

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

Jeremia 38:20

O Yeremia penas: Yon denn tout gar an lengro vast. Shoun ap o baro Debleskro rakepen, hoy me touke penau, palle djal touke mishto, oun tou ačeh djido.