Bičepangre 25:8 - O Debleskro Lab 2024 (Sinte-Manouche)

⁸ O Paulo moukas kova gar ap peste, oun penas: “Me krom či, hoy pal o biboldengro čačepen čilačo hi. Oun me krom gar o Debleskro baro kheer praasedo. Oun me penom kek čilačo koova pral o baro rayeste an o foro Rom.”

O Debleskro Drom 2021 (Sinte)

⁸ O Paulo mukas kowa gar ap peste, un penas: “Me krom tchi, hoi pal o biboldengro tchatchepen tchilatcho hi. Un me krom gar o Debleskro baro kheer praassedo. Un me penom kek tchilatcho koowa pral o baro rajeste an o foro Rom.”

Bičepangre 25:8 Referans Kwoze

Bičepangre 28:17

Pal triin divessa das o Paulo kol pralstoune bibolden pash peste gole. Har yon lauter khetne his, penas o Paulo ap lende: “T'mer morsha, mire phrala, mare menshenge krom či, hoy čilačo his. Vitar gar rakrom djoungeles pral kova, hoy mare phoure menge penan. Oun ninna te krom lenge kek čilačepen, čivan le man stildo an o foro Yerusalem, oun dan man an i Remaryengre vasta.

Bičepangre 24:12

Kek dikas, kay čingroms man yekeha an o Debleskro baro kheer. Vitar gar krom i čingepen mashkral i menshende, gar an i biboldengre kangria, vitar gar an kava foro.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Bičepangre 28:21

Penan i bibolde ap leste: “Kek dran o them Youdea činas menge i liil pral toute. Kek lendar vas pash mende, kay penas djoungelo koova pral toute.

Jeremia 37:18

Palle poučas o Yeremia o baro rayestar Sedekya: Hoy krom me touke oun tire pralstunenge, oun havo čilačepen krom ap kal menshende kate, kay vitsran le man an o stilepen?

Bičepangre 25:10

O Paulo penas ap leste: “Me hom kate glan o čačepaskro tardo, koles o baro ray an o foro Rom an peskri boudi čivas. Kote hounte vell o čačepen pral mande vin kerdo. I biboldenge krom kek čilačo koova. Oun kova djineh tou mishto!

Bičepangre 24:6

Yob kamas o Debleskro baro kheer praasedo te krell. Koy pashel tapram les.

Bičepangre 23:1

O Paulo dikas ap kol pralstoune biboldende, oun penas: “T'mer morsha, mire phrala, o tselo djipen boudrom o Debleske, oun man hi i djoudjo dji.”

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

1. Mose 40:15

Hom čoredo dran o them, kay djivenn i Hebrearya. Oun kate krom me vitar či, kay hounte djap an o stilepen.”

Bičepangre 24:14

Kava penau touke: Hi čačo, kay me djau ap ko nevo drom, hoy hi kolenge i rhorheno drom. Ap kava nevo drom mangau me ko Debles an, koles ninna mire phoure an-mangan. Oun me patsau halauter, hoy o Mose oun o Debleskre rakepangre an pengre lila činan.