Bičepangre 24:1 - O Debleskro Lab 2024 (Sinte-Manouche)

¹ Pal panč divessa vas ko baro rashay Anania an o foro Cesarea. Khetne leha van i biboldengre phoureder oun ko rakepaskro Tertulo. Yon djan pash o themeskro rayeste, o Felix, te penenn le leske, hoske yon kaman o Paules i phagi te dell.

O Debleskro Drom 2021 (Sinte)

¹ Pal pantch diwessa was ko baro rashai Anania an o foro Cesarea. Khetne leha wan i biboldengre phureder un ko rakepaskro Tertulo. Jon djan pash o themeskro rajeste, o Felix, te penenn le leske, hoske jon kaman o Paules i phagi te dell.

Bičepangre 24:1 Referans Kwoze

Bičepangre 24:11

Hi gar boudeder har deesh-te-douy divessa, kay vom an o foro Yerusalem, te mangap o Debles an. I vavar nay penenn touke, kay kova čačo hi.

Bičepangre 23:2

Ko baro rashay Anania penas ap kolende, kay troul leste tardo hi, te denn le o Paules ap o mouy.

Bičepangre 25:2

Kote van kol bare rashaya oun kol pralstoune bibolde pash leste, oun anan doosh ap o Pauleste pre.

Bičepangre 23:35

“Yon te hi kate, kay anan i doosh ap toute pre, palle kamau te shounell, hoy tou peneh.” Oun yob čivas les stildo an o Herodeskro kheer.

Bičepangre 23:30

Har me shounom, kay kamenn le ko morshes čorrhanes te marell, bičrom les sik pash toute. Me penom ninna kolenge, kay anan i doosh ap leste pre, te penenn yon touke, havi doosh yon ap leste hatsan.”

Bičepangre 23:24

Anenn graya o Pauleske, beshenn les ap yek gray, oun anenn les pash o themeskro rayeste Felix! Denn yak ap leste ap o drom!”

Bičepangre 21:27

Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

Debleskri gili 11:2

Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,

1. Korintarja 2:1

Mire phrala, har vom pash t'mende, te sikrap t'mende o Debleskro drom, hoy t'mer gar prindjran, krom me kova gar bare oun goseve labentsa.

Bičepangre 25:15

Har me an o foro Yerusalem homs, van kol bare rashaya oun kol biboldengre phoureder glan mande, oun mangan mandar, te dap les i phagi.

Bičepangre 12:21

I dives vas vin kerdo, kay kamas o Herodes lentsa te rakrell. Ap ko dives rivas o Herodes peskre rayengre koola an, beshas pes ap peskro raylo beshepaskro, oun rakras i baro rakepen.

Jesaja 3:3

Ninna i pralstoune lourden, i an-dikle menshen, i rakepangren, i goseven, i dourkepangren oun kolen, kay i moulen poučenn, lell lo kolendar krik.

Bičepangre 23:33

Har van yon an o foro Cesarea, dan le o Felixes ko liil. Oun o Paules anan le ninna glan leste.

Bičepangre 24:2

Har yon o Paules pash pende gole dan, rakras o Tertulo, te sikrell lo havi doosh o Paulo ap peste anas: “Mer sharah tout, maro lačo oun baro rayes Felix! An tiro gosvepen kral tou, kay nay djivah mer barhteles t'mentsa. Oun tou kral menge ninna boud lačo koova.