Bičepangre 23:19 - O Debleskro Lab 2024 (Sinte-Manouche)

¹⁹ Koy las les ko pralstouno ap o vast, anas les ap i rig, oun poučas lestar: “Hoy kameh tou mange te penell?”

O Debleskro Drom 2021 (Sinte)

¹⁹ Koi las les ko pralstuno ap o wast, anas les ap i rig, un putchas lestar: “Hoi kameh tu mange te penell?”

Bičepangre 23:19 Referans Kwoze

Markus 10:51

Oun o Yezous penas ap leste: “Hoy kameh, te krap touke?” Ko korelo penas ap leste: “Mo ray, te dikap nay pale.”

Markus 9:27

O Yezous tapras les pash o vast, oun moukas les pre te stell. Oun yob stas pre.

Markus 8:23

Oun yob las koles, kay dikas nay gar, pash o vast, oun anas les vin glan o gab. Palle čivas lo čounger ap leskre yaka, čivas peskre vasta ap leste, oun poučas lestar: “Dikeh tou čomone?”

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Ester 9:12

Oun o baro ray penas ap i rani Ester: “Kokres an miro zorelo kheer an Susa dan i bibolde panč-sheel morshen moulo. Ninna i deesh čaven o Hamanestar maran le. Poučau man, hoy kran le an mire vavar themma? Hoy mangeh tou boudeder, te vell tout dino? Oun hoy kameh tou? Kova vell kerdo.”

Ester 7:2

Oun o baro ray poučas ninna ap kava douyto dives, har yon i mool piyan: “Hoy hi kova, hoy tou mandar mangeh, rani Ester? Me dau les toute. Hoy kameh tou? Oun te kameh o paash lauterestar hoy man hi, kova vell tout dino!”

Ester 5:3

Oun o baro ray poučas: “Hoy hi touke, rani Ester? Oun hoy kameh tou? Oun te kameh o paash lauterestar, hoy man hi, palle vell kova tout dino.”

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Johanni 18:12

Oun i lourde pengro pralstuneha oun i biboldengre kliste tapran o Yezouses oun pandan les.

Bičepangre 17:19

Yon lan o Paules peha, oun anan les ap i platsa, hoy kharella Areopag. Oun yon penan: “Nay peneh tou menge, havo nevo patsepen hi kova, hoy tou peneh kate i menshenge?

Bičepangre 23:18

O baro lourdo las les, oun anas les pash ko pralstuneste, oun penas leske: “Ko Paulo, kay stildo hi, das man pash peste gole, oun mangas mandar, te anap kal terno morshes pash toute. Kova kamell touke čomone te penell.”

Bičepangre 23:20

Yob penas: “Kol bibolde kran vin, te mangenn le toutar, te aness o Paules pale glan kol pralstoune biboldende, te nay hatsans le feteder vin, hoy yob kras.