Bičepangre 20:23 - O Debleskro Lab 2024 (Sinte-Manouche)

²³ O Debleskro Dourho penas mange an hako foro, kay djom, kay vau stildo oun kay douka ap mande venna.

O Debleskro Drom 2021 (Sinte)

²³ O Debleskro Ducho penas mange an hako foro, kai djom, kai wau stildo un kai duka ap mande wenna.

Bičepangre 20:23 Referans Kwoze

Bičepangre 9:16

Me kamau leste te sikrell, kay hounte lell yob boud douka mange ap peste.”

1. Tessalonikarja 3:3

te moukell kek t'mendar peskro patsepen, ninna te vell lo palla lino. Djinenn, kava pharo drom hi o Debleskro drom menge, oun mer vah palla lino.

Bičepangre 21:4

Kote rodam i patslen, oun har hatsam len, ačam efta divessa pash lende. O Debleskro Dourho penas kote i patslenge, te venn bare douka ap o Pauleste an o foro Yerusalem. Koy penan yon ap leste, te djal lo gar an o foro Yerusalem.

Bičepangre 21:33

Oun ko pralstouno lourdo djas pash o Pauleste, tapras les, moukas les douy sasterne shellentsa te pandell, oun poučas halauterendar: “Koon hi kova? Oun hoy kras kova?”

Bičepangre 21:11

Oun yob vas pash mende, las koy dori, hoy o Paules troul peskro ripen his, oun pandas peskre pire oun vasta, oun penas: “Kova penas mange o Debleskro Dourho: Ko morsh, koneske kay dori hi, koles pandenn i bibolde an o foro Yerusalem, oun denn les an i vasta kolendar, kay kek bibolde hi.”

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.

Bičepangre 8:29

Koy penas o Debleskro Dourho ap o Filipeste: “Dja pash ko vourdin oun ač koy pashel!”

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

Bičepangre 18:5

Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

Bičepangre 20:21

Me penom i biboldenge oun kolenge, kay kek bibolde hi, te moukenn le pengro čilačo drom, oun te djan le ap o Debleskro drom, oun te patsenn le ap maro rayeste, o Yezouseste.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.