Bičepangre 20:21 - O Debleskro Lab 2024 (Sinte-Manouche)

²¹ Me penom i biboldenge oun kolenge, kay kek bibolde hi, te moukenn le pengro čilačo drom, oun te djan le ap o Debleskro drom, oun te patsenn le ap maro rayeste, o Yezouseste.

O Debleskro Drom 2021 (Sinte)

²¹ Me penom i biboldenge un kolenge, kai kek bibolde hi, te mukenn le pengro tchilatcho drom, un te djan le ap o Debleskro drom, un te patsenn le ap maro rajeste, o Jesuseste.

Bičepangre 20:21 Referans Kwoze

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 11:18

Har yon kova shounan, čingran le bouder gar ap o Petreste. Yon sharan o Debles oun penan: “O Devel sikras ninna kolende peskro drom an o nevo djipen, kay hi kek bibolde. Yon nay moukenn pengro čilačo drom oun venn ap o Debleskro drom.”

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Louka 13:3

Na-a, penau me t'menge. T'mer te moukenn gar t'maro čilačo drom, oun djan ap o Debleskro drom, palle venna t'mer lauter ninna yaake maredo.

2. Korintarja 7:10

Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.

Remarja 10:9

Oun tou te peneh i menshenge: O Yezous hi o ray, oun te patseh tou an tiro dji, te kras les o Devel i moulendar djido, palle dell lo tout o djipen, hoy gar pre-herella.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

1. Johanni 5:5

Ava, kova, kay patsella, kay o Yezous o Debleskro čavo hi, koles hi i zoor pral o čilačo koova, hoy i menshe krenna.

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

1. Johanni 5:1

Kolla, kay patsenna, kay o Yezous o baro ray hi, kolestar o Devel penas, te vell yob, kolla hi o Debleskre čave. Oun hakeno, kay kamell o dades, kova kamell ninna leskre čaven.

Filemon 1:5

Me shounom, kay tou kameh i tsele patslen o djiyestar. Oun tou patseh ap maro rayeste, o Yezouseste, yaake har mer ap leste patsah. Me mangau o Deblestar, te vell tiro patsepen yaake zoreles an toute, te hayvess tou boud oun boudeder har baro o lačepen hi, hoy das men o Yezous Kristo.

Efesarja 1:15

Me shounom, har baro hi t'maro patsepen ap maro rayeste, o Yezouseste. Ninna kamenn t'mer i tsele patslen o djiyestar.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

Remarja 4:24

Kova vas ninna menge činlo, kay patsah ap o Debleste. Kova kras o Yezouses, maro rayes, i moulendar djido. Mer te djinas: Maro patsepen čivell men ninna an o čačepen.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Markus 6:12

Oun kol deesh-te-douy djan trouyel, oun penan i menshenge: “Moukenn t'maro čilačo drom, oun djan ap o Debleskro drom!”

Markus 1:15

Oun yob penas: “O tsiro vas, kay lell o Devel i menshen dran o čilačepen vin. Moukenn t'maro phouro djipen! Oun djan ap o Debleskro drom! Oun patsenn ap kava lačo lab!”

Mateo 4:17

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

1. Korintarja 1:22

I bibolde kamenn baro oun zorelo koova te dikell. Kolla, kay kek bibolde hi, rodenn gosvepen ap kay phoub.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Remarja 1:14

Me hounte sikrap kava drom i tsele menshende: kolen an o grichtikro them, ninna kolen an i vavar themma, kolen, kay siklo hi oun kolen, kay gar siklo hi.

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Bičepangre 16:31

Penan le ap leste: “Pats ap o rayeste, o Yezouseste! Yaake leh tou oun tire menshe o Debleskro djipen.”

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 8:25

Har o Petro oun o Yohanni i menshenge penan, hoy o Yezous penas oun kras, djan yon pale an o foro Yerusalem. Ap lengro drom pale van le an boud gaba an ko them Samaria oun sikran kote i menshende o Yezouseskro drom.

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Bičepangre 2:40

Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Louka 15:7

Palle penas o Yezous lenge: “Me penau t'menge: Pral ko yek čilačo, kay moukas peskro čilačo drom oun djal ap o Debleskro drom, pral koleste hi bareder barht an o bolepen, har pral kol vavarende, kay patsenna, te nay ačenn le ap pengro drom.”

Louka 13:5

Na-a, penau me t'menge. Te moukenn t'mer gar t'maro čilačo drom, oun djan ap o Debleskro drom, palle venna t'mer lauter ninna yaake maredo.”

Mateo 3:2

Oun yob penas i menshenge: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Kolossarja 2:5

Ninna te hom gar pash t'mende, han t'mer an miro dji. Oun me hom barhtelo, te shounau, kay han zorelo tardo an o patsepen ap o Yezous Kristeste.

Bičepangre 24:24

Divessa koy pre vas o Felix peskri romyah Drusilla. Koya his i biboldetsa. Oun o Felix moukas o Paules glan leste te vell. Oun o Felix oun leskri romni kaman lestar pral o patsepen ap o Yezous Kristeste te shounell.

Bičepangre 19:17

I menshe, kay an o foro Efesus djivan, shounan kova lauter. Oun i bibolde, ninna kolla, kay kek bibolde hi, lan bari traash. Oun ko lab o ray Yezousestar vas zoreles sharedo.

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

Bičepangre 20:23

O Debleskro Dourho penas mange an hako foro, kay djom, kay vau stildo oun kay douka ap mande venna.