Bičepangre 2:46 - O Debleskro Lab 2024 (Sinte-Manouche)

⁴⁶ Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

O Debleskro Drom 2021 (Sinte)

⁴⁶ Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Bičepangre 2:46 Referans Kwoze

Bičepangre 5:42

Yon moukan gar tele, te penenn le o lačo lab o Yezous Kristestar. Hako dives djan le an o Debleskro baro kheer oun pash i menshende an i khera, oun sikran len o Yezouseskro drom.

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

Debleskri gili 86:11

Baro Devel, sike man tiro drom, te djap an tiro čačepen. Rike miro dji pash toute, te krap, hoy tou kameh!

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Bičepangre 16:34

Yob las len dren an peskro kheer, das len te rhal oun te piyell, oun his barhtelo peskre tsele menshentsa, kay van yon patslo ap o Debleste.

Kolossarja 3:22

T'mer boudepangre, shounenn hako tsiro ap t'mare rayende, kolenge t'mer hounte boudrenna! Ma krenn t'mari boudi yaake, te sharenn t'men i menshe! Na-a! Boudrenn lenge o čačo djiyestar, oun yaake, har kamell o ray Yezous kova t'mendar.

Remarja 12:8

Pale vavar hayvenn i patslen an o dji te rakrell, te krenn le len zoreles an lengro patsepen. Kolla hounte krenn kova. Pale vavar denn i čorvelende čomone. Koon kova krella, hounte krell les dran i lačo dji. Kote, kay i patsle khetne venna, hi ninna pralstoune pral lende. Kolla hounte krenn pengri boudi o tselo djiyestar. Vavar patsle rikrenn pen ap i rig kolendar, kay djal lenge gar mishto. Koon kova krella, hounte krell les i barhtelo djiyeha.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Louka 24:53

Oun hako tsiro djan le an o Debleskro baro kheer, oun sharan o Debles.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

Bičepangre 5:21

Har yon kova shounan, djan yon taysarlake an o Debleskro baro kheer oun sikran i menshende o Debleskro drom. Ko baro rashay oun kolla, kay pash leste his, dan i pralstoune bibolden khetne gole, ninna i tsele phoureden an o them Israel. Oun yon bičran i klisten an o stilepen, te anenn le len glan lende.

Bičepangre 3:1

His yek dives, his trinenge, koy djan o Petro oun o Yohanni an o Debleskro baro kheer, te mangenn le o Debles an.

Louka 24:30

oun beshas pes te rhal lo lentsa, las o maro, parkras pes pash o Debleste, phagas ko maro an kotya, oun das kova lende.

Mateo 6:22

O mensheskro yak hi har i momeli an i kheer. Te dikeh kokres ap o Debleste, hi kova yaake, har te rhačell koy momeli mishto.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

Efesarja 6:5

T'mer boudepangre, kay hounte boudrenn t'mare rayenge, ap t'mende penau: Shounenn ap t'mare rayende! Darenn lendar oun boudrenn lenge, har te boudrans o Yezous Kristeske!

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

1. Korintarja 10:16

Te vah khetne, te piyas dran o Yezouseskro khoro, parkrah men koleske pash o Debleste, oun djinah, o Yezous Kristo ratas oun meras menge oun las mari doosh mendar krik. Te phagah ko maro oun rhah les, rikrell men kova o Yezous Kristeha khetne.