Bičepangre 2:25 - O Debleskro Lab 2024 (Sinte-Manouche)

²⁵ Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste.

O Debleskro Drom 2021 (Sinte)

²⁵ Ninna o David rakras o Jesusestar, har job penas: Me dikau hako tsiro ap o Debleste, miro rajeste. Job dell man soor, te rikrap man ap leste.

Bičepangre 2:25 Referans Kwoze

Jesaja 41:13

Me, o baro Devel, hom tiro Devel, oun taprau tiro čačo vast, oun penau touke: Ma dare! Me hom ap tiri rig!

Debleskri gili 62:6

Pash o Debleste kokres hi miro djiyes kek daar! Djinau, yob hi, kay krell halauter mishto.

Debleskri gili 109:31

Yob vell o čorveleske ap i rig, oun lell les vin dran i vasta kolendar, kay penenn: “Yob hounte vell maredo.”

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Debleskri gili 73:23

Kanna ačau hako tsiro pash toute. Tou rikreh man pash miro čačo vast.

Debleskri gili 30:6

I tikno tsiro kokres hi lo rhoyedo. O tselo djipen hi lo menge lačo. Rati vell o ropen dren, oun taysarlakro hi pale sapen koy.

Debleskri gili 21:7

Tiri barht hi ap leste hako tsiro. Tou hal pash leste. Doleske bashrell leskro dji.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Bičepangre 2:26

Doleske hom me barhtelo an o dji oun me givau. Ninna te merau, djinau: