Bičepangre 19:9 - O Debleskro Lab 2024 (Sinte-Manouche)

⁹ Koy his ninna menshe pashel, kay kaman o Yezousestar či te djinell oun kaman gar ap leste te patsell. Oun glan i menshende rakran le djoungelo koova pral o patsepen ap o Yezouseste. Koy moukas o Paulo kol vavar patslentsa i biboldengri kangri, oun rakras hako dives an ko sikepaskro kheer, kay o Tiranno o sikepaskro hi.

O Debleskro Drom 2021 (Sinte)

⁹ Koi his ninna menshe pashel, kai kaman o Jesusestar tchi te djinell un kaman gar ap leste te patsell. Un glan i menshende rakran le djungelo koowa pral o patsepen ap o Jesuseste. Koi mukas o Paulo kol wawar patslentsa i biboldengri kangri, un rakras hako diwes an ko sikepaskro kheer, kai o Tiranno o sikepaskro hi.

Bičepangre 19:9 Referans Kwoze

Bičepangre 19:23

Ap ko tsiro vas i baro čingepen an o foro Efesus pral o nevo patsepen ap o Yezouseste.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

2. Petro 2:12

Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna.

Bičepangre 14:4

I menshe an ko foro djinan gar, koneske te patsenn le. His save, kay rikran kol biboldentsa khetne. Vavar rikran pen ap o Yezouseskre bičepangre.

Judas 1:10

Kolla menshe praasenn lauter, hoy le gar prindjrenna. Kova, hoy lengro mass kamella, kova krenn le yaake har i firhe, kay či djinenna. Oun yaake djan le nashedo.

2. Petro 2:2

Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

Bičepangre 22:4

Me lom kolen palla, kay djan ap o nevo drom – me lom len yaake palla, te marom len. Morshen oun djouvyen pandom, oun vitsrom len an o stilepen.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

2. Timoteo 3:5

Kolla krenn yaake, har te vans le patslo. Yon prindjrenn gar koy zoor, hoy vell dran o čačo patsepen. Rike tout save menshendar pale!

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

Bičepangre 28:22

Mer kamah toutar te shounell, hoy tou peneh menge. Mer djinah, te rakrenn le djoungeles pral kava nevo drom, hoy tou sikreh.”

Bičepangre 24:21

Yek koova nay anans le ap mande pre. Kova hi ko lab, hoy me glan lende gole dom: Me patsau, kay o Devel i moulen djides krella. Doleske hom kate glan t'mende tardo, te rakrenn t'mer i phagi pral mande vin.”

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

Bičepangre 19:30

O Paulo kamas pash kol menshende an o khelepaskro kheer te djal. Leskre mala rikran les pale.

Bičepangre 17:4

Mank i biboldende his save, kay patsan kova, hoy o Paulo lenge penas. Oun yon rikran pen ap i rig o Paulestar oun o Silasestar. Ninna boud, boud griche, kay lan o biboldengro patsepen an, patsan kova, hoy o Paulo penas. Mank lende his ninna boud an-dikle djouvya.

Bičepangre 11:26

Har o Barnabas les hatsas, anas lo les an o foro Antiochia. Oun kol douy ačan i tselo bersh kote pash i patslende, oun penan boud menshenge o Debleskro lab. Kote dan yon i patslen ko lab Kriste.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Mateo 26:55

Oun koy pre penas lo ap kol tsele morshende, kay troul leste tardo hi: “T'mer van i rharentsa oun i kashtentsa pash mande, har te voms i marepaskro. Hako dives homs an o Debleskro baro kheer oun sikrom i menshende o Debleskro drom. Oun t'mer tapran man gar.

Mateo 16:4

Har čilačo hi kol menshe, kay djivenn an kava tsiro! Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan. Oun o Yezous moukas len, oun djas peske.

Mateo 15:14

Moukenn le te rakrell! Yon hi korele oun kamenn i korelen ap o vast te lenn. Oun te lell i korelo i koreles ap o vast, perenn hake douy.”

Jeremia 19:15

O baro Devel, o ray pral o bolepen oun i phoub, kay o Israeleskro Devel hi, penell: I menshe an Yerusalem oun an i gaba oun forya trouyel pandan pengre djia, oun kamenn mire laba gar te shounell. Doleske anau pral lende koy tseli bibarht, hoy lenge glan-vi penom.

Jeremia 7:26

T'mer shounan gar ap mande, oun dan kek garda ap mire laba. T'mer djan pal t'maro shero, oun kran boudeder čilačepen har t'mare phoure.

Jesaja 8:14

Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

Gosewe laba 8:34

Barhtelo hi ko mensho, kay shounell ap mande, kay hi tardo pash miro voudar hako dives, oun dell yak ap miro kheer.

Debleskri gili 95:8

Ma pandenn t'mare djia, har t'mare phoure kran ap i platsa Meriba oun Massa an o moulo tato them.

Nehemia 9:29

Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

2. Familjakro liil 30:8

Ma krenn t'mare djia har bar, har les t'mare phoure kran! Shounenn ap o baro Debleste! Oun avenn an leskro kheer, koles yob peske vin rodas hako tsireske, oun mangenn les an, kay t'maro Devel hi! Palle djal leskri bari rholi t'mendar krik.

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

1. Korintarja 16:9

Kate nay boudrau me mishto o Debleske, ninna te hi kate boud menshe, kay krenn mange miri boudi phares.