Bičepangre 19:19 - O Debleskro Lab 2024 (Sinte-Manouche)

¹⁹ Boud dourkepangre lan pengre lila oun rhačran len glan halauterende. Kol lila his nay panč-deesh zerya (50.000) roupene beme moldo.

O Debleskro Drom 2021 (Sinte)

¹⁹ Bud durkepangre lan pengre lila un chatchran len glan halauterende. Kol lila his nai pantch-deesh serja (50.000) rupene beme moldo.

Bičepangre 19:19 Referans Kwoze

Bičepangre 13:8

Ko dourkepaskro, o Elimas, – yaake his leskro lab ap grichtikes, – kamas kova gar oun kras lauter, te rikrell lo ko pralstounes pale, te vell yob gar patslo.

2. Mose 32:20

Ko terno gouroum, hoy kran i Israelitarya penge, vitsras yob an i yag, te rhačrell lo. Oun das les tiknes, bis te stauba pral ačas. Koy stauba vitsras lo an o pani, oun das les i Israelitarya te piyell.

1. Mose 35:4

Oun yon dan o Yakobeste pengre tsele deblen dran barra oun kashta, hoy yon an-mangan, oun i tsele kanengre, hoy an lengre kanda his. Oun o Yakob paskras len tel o baro rouk pash o foro Sichem.

Bičepangre 13:6

Yon djan an o tselo them Ciprus trouyel, oun van ap i vavar rig ko themestar oun djan an o foro Pafos. Kote tapran le i biboldes. Kova kharas Bar-Yezous oun his i dourkepaskro. Yob penas pestar, te hi lo i Debleskro rakepaskro. Kova his i rhorhepen.

Daniel 2:2

Oun o baro ray moukas khetne te kharell i tsele dourkepangren oun dravepangren, kolen, kay bengeskro koova krenn oun kolen, kay an i bolepangre momlia draverenn. Yon hounte penan leske, hoy leskri souni kamell te penell. Oun yon van oun his tardo glan leste.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Hebrearja 10:34

T'mer rovan kolentsa, kay an o stilepen hi. Kolla, kay gar patslo his, lan t'mendar kova krik, hoy t'maro his. Oun i barhtelo djiyeha moukan t'mer len kova te krell. T'mer djinan, kay hi t'men i feteder bravlepen an o bolepen, hoy kek nay lell t'mendar.

Louka 14:33

Doleske penau t'menge: Kek t'mendar nay vell miro maal, te dell yob gar lauter pre, hoy les hi.”

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

2. Familjakro liil 33:6

Oun yob moukas peskre čaven an i yag te djal an i tala Ben-Hinnom, oun shounas ap čirklengre golya oun vavar sikepen, oun kras dourkepen oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

2. Mose 7:22

Oun i dourkepangre an o them Egiptia kran ninna yaake an pengri zoor. Oun o Faraeskro dji ačas pale pandlo, oun yob shounas gar ap lende. Yaake vas, hoy o baro Devel penas.

2. Mose 7:11

Kote moukas o Farao i goseve morshen oun i dourkepangren gole te dell. Oun kol egiptikre dourkepangre kran emligo koova an pengri zoor.

Louka 15:8

Te hi i djouvyat deesh roupene beme, oun nashrell yek, krell li i momeli an, oun rodell koy bema an o tselo kheer yaake rah, bis te hatsell li lat.

Bičepangre 19:18

Van ninna boud kolendar, kay patslo van, oun penan glan i menshende, hoy yon čilačes kran.

3. Mose 13:52

Ko ripen oder kol koola, ap kolende ko djounglepen hi, hounte venn pre rhačedo an i yag.