Bičepangre 18:26 - O Debleskro Lab 2024 (Sinte-Manouche)

²⁶ O Apollo djas an i biboldengri kangri, oun les his kek traash, te penell lo kote i biboldenge o Yezousestar. Har o Akvila oun i Priska les shounan, lan le les pash pende khere, oun sikran leste o Debleskro drom feteder oun boudeder.

O Debleskro Drom 2021 (Sinte)

²⁶ O Apollo djas an i biboldengri kangri, un les his kek traash, te penell lo kote i biboldenge o Jesusestar. Har o Akwila un i Priska les shunan, lan le les pash pende khere, un sikran leste o Debleskro drom feteder un budeder.

Bičepangre 18:26 Referans Kwoze

Hebrearja 6:1

Kanna kamah te rakras pral kova, hoy kolenge hi, kay hi phoure an o patsepen, oun bouder gar pral kova, hoy mer kolenge penah, kay hi terno an o patsepen. Mer kamah bouder gar pral kova te rakrell, hoy t'mer shounan, har patslo van! Ap ko tsiro vas t'menge penlo, te moukenn t'maro čilačo drom, hoy an o merepen anella, oun te patsenn ap o Debleste, oun te djan ap leskro drom.

1. Korintarja 12:21

I yak nay penell gar ap o vast: “Me hayvau kova kokres. Dja touke!” Oun ninna o shero nay penell gar ap i herya: “Me krau kova kokres. Djan t'menge!”

Bičepangre 18:25

Yob djinas ninna čomone pral o Yezouseskro drom. Oun peskro tselo djiyeha rakras lo lestar. Oun lauter, hoy yob pral leste penas, his čačo. Pral o Debleskro thopen djinas yob kokres, har o Yohanni i menshen taufras.

Bičepangre 14:3

Oun o Paulo oun o Barnabas ačan i rah tsiro an ko foro. Oun len his kek traash, te sikrenn le i menshende o Yezouseskro drom. Oun o ray Yezous das len i zoor, te kran le baro oun zorelo koova, hoy kek vavar nay kras. Yaake sikras yob, kay kova, hoy yon pral leskro baro lačepen penan, čačo hi.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Bičepangre 8:31

“Na-a,” penas lo, “har nay hayvap, te penell mange kek, hoy koy činlo hi?” Oun yob mangas o Filipes, te vell yob pash leste an o vourdin, te beshell lo pes pash leste.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 19:26

Koy penas o ray: Kones boud hi, kova lell boudeder. Oun kova, kay hi les gar boud, kolestar vell kova ninna krik lino.

Markus 10:15

Čačepah, me penau t'menge: Koon gar ap mande patsella har kal čave, kova nay vell gar ap o Debleskro drom.”

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Gosewe laba 25:12

I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

Gosewe laba 1:5

Kolla, kay gosevo hi, shounenn, har te venn le gomme gosveder. Kolla, kay siklo hi, hatsenn, har te djan le pengro drom.

1. Korintarja 8:2

Koon patsella, te hi lo gosevo, kova djinell gar, hoy čačo gosvepen hi.

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

Bičepangre 19:8

Triin čon ačas o Paulo kote oun rakras an i biboldengri kangri. Oun les his kek traash oun penas i menshenge i bari zoryah, kay o Devel o Yezous Kristes bičras, te lell lo len dran o čilačepen vin.