Bičepangre 17:1 - O Debleskro Lab 2024 (Sinte-Manouche)

¹ Oun o Paulo oun o Silas van an i forya Amfipolis oun Apolonia oun djan doureder an o foro Tessalonika. Koy his i biboldengri kangri.

O Debleskro Drom 2021 (Sinte)

¹ Un o Paulo un o Silas wan an i forja Amfipolis un Apolonia un djan dureder an o foro Tessalonika. Koi his i biboldengri kangri.

Bičepangre 17:1 Referans Kwoze

Filiparja 4:16

Ninna har homs an o foro Tessalonika, bičran t'mer mange douy kope čomone.

1. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste. Lačepen oun barht t'menge!

2. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarko oun o Sekundo lentsa. Dran o foro Derbe vas o Gayo lentsa. Ninna o Timoteo djas lentsa. Oun o Tichiko oun o Trofimo van dran ko them Asia lentsa.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Bičepangre 27:2

Mer djam ap o shiffo. Kova vas dran o foro Adramitsyon oun ouleras an kol forya, kay pash o pani an o them Asia čiddo hi. Mentsa vas ninna i morsh dran o foro Tessalonika. Leskro lab his Aristarko.

Bičepangre 17:13

Har shounan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, van le kote oun kran čingepen. Yon kaman, te venn i menshe rhoyedo ap lende.

Bičepangre 17:11

I bibolde an o foro Berea shounan feteder ap o Debleskro lab, har kol bibolde an o foro Tessalonika. Yon shounan o Debleskro lab pengro tselo djiyeha, oun rodan hako dives an o Debleskro lab, te djinenn le, te hi kova čačo, hoy o Paulo penas.

Bičepangre 16:13

Ap o Debleskro dives djam mer vin glan o foro pash o pani. Mer patsam, te venn pash o pani menshe khetne, kay mangenn kote o Debles an. Koy besham men tele, oun rakram kolla djouvyentsa, kay kote van.

Bičepangre 15:21

Kova, hoy o Mose penas, kova vell i menshenge an hake forya penlo. Hako Debleskro dives venn o Moseskre laba an i biboldengre kangria glan-dravedo.”

Bičepangre 14:1

An o foro Ikonion djas o Paulo oun o Barnabas pale an i biboldengri kangri, oun penan i menshenge o Debleskro lab yaake, kay van boud bibolde patslo, ninna boud vavar, kay kek bibolde hi.

Bičepangre 17:10

An koy rat bičran kol patsle o Paules oun o Silases an o foro Berea. Har yon koy van, djan yon an i biboldengri kangri.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.