Bičepangre 15:6 - O Debleskro Lab 2024 (Sinte-Manouche)

⁶ Oun i Yezouseskre bičepangre oun i phoureder mank i patslende van khetne, te rakrenn le pral ko koova.

O Debleskro Drom 2021 (Sinte)

⁶ Un i Jesuseskre bitchepangre un i phureder mank i patslende wan khetne, te rakrenn le pral ko koowa.

Bičepangre 15:6 Referans Kwoze

Gosewe laba 15:22

Kova, hoy yekes an o shero hi, djal gar mishto, te poučell lo gar i vavarendar, hoy yon patsenna. Kote, kay boud menshe hi, kay denn pengro gosvepen pashel, kote djal mishto.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Bičepangre 15:25

Doleske vam mer khetne, oun penam yek djiyeha: Mer rodah morshen vin, oun bičrah len pash t'mende. Lentsa venn ninna mare lače phrala, o Paulo oun o Barnabas.

Bičepangre 21:18

O vavar dives djas o Paulo mentsa pash o Yakobeste. Oun i tsele phoureder mank i patslende van kote.

Bičepangre 15:4

Palle vas o Paulo oun o Barnabas pash i patslende an o foro Yerusalem. Oun i phoureder oun o Yezouseskre bičepangre his ninna kote, oun lan len o djiyestar pash pende pre. Oun o Paulo oun o Barnabas penan lenge, kay o Devel lentsa his, oun har boud koova yob mashkral kolende kras, hoy kek bibolde hi.

Bičepangre 6:2

Koy dan kol deesh-te-douy Yezouseskre bičepangre kol tsele patslen khetne gole, oun penan: “Hi gar mishto, te das mer o rhapen vin, oun men vals bouder kek tsiro, te penas i menshenge o Debleskro lab.

Mateo 18:20

Oun kote, kay douy, triin menshe khetne venna an miro lab, kote hom me mashkral lende.

Bičepangre 11:30

Oun yon dan o Barnabes oun o Saules kol love, te denn yon kol love kolende, kay hi i phoureder mank i patslende an o them Youdea.

Bičepangre 15:2

Har o Paulo oun o Barnabas kova shounan, penan le kol morshenge: “Hi gar čačo, hoy t'mer i patslenge penan!” Koy his len i baro čingepen lentsa. Koy pre penan lenge i phrala, te djan yon douy i vavar phralentsa an o foro Yerusalem pash o Yezouseskre bičepangre oun pash i phoureder mank i patslende, te poučenn le lendar, hoy yon pral kova penenna.

Bičepangre 15:22

O Yezouseskre bičepangre oun i phoureder mank i patslende, khetne i tsele patslentsa rodan morshen mashkral i patslende vin, te djan yon o Pauleha oun o Barnabeha an o foro Antiochia. Kol morsha his o Youdas, koles his ninna ko lab Barsabas, oun o Silas. Kolla his pralstoune morsha mashkral kol patslende.

Bičepangre 16:4

An kol forya, kay yon van, dan yon i phralen ko liil, kay dren činlo hi, hoy o Yezouseskre bičepangre oun i phoureder mank i patslende an o foro Yerusalem vin kran. Oun yon penan lenge, te rikrenn le pen ap kol laba.