Bičepangre 13:52 - O Debleskro Lab 2024 (Sinte-Manouche)

⁵² Oun kolla, kay van patslo, van pherdo Debleskro Dourho, oun lengro dji his barhtelo.

O Debleskro Drom 2021 (Sinte)

⁵² Un kolla, kai wan patslo, wan pherdo Debleskro Ducho, un lengro dji his bachtelo.

Bičepangre 13:52 Referans Kwoze

1. Tessalonikarja 1:6

Oun kova, hoy dikan t'mer ap mende, kova krenn t'mer kanna ninna, oun djivenn yaake, har o ray Yezous djivas. Har shounan t'mer o Debleskro lab, patsan les oun hans barhtelo pral kova, ninna te kran i menshe t'menge o djipen phares. Koy barht das o Debleskro Dourho an t'mende.

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

2. Korintarja 8:2

Ninna te vas boud pharo koova ap lende, his le barhtelo an pengre djia. Lengri barht his yaake baro, te dan le boud love i vavar patslenge, ninna te djivan le an baro čorvlepen.

Remarja 5:3

Kova hi gar lauter. Ninna ham barhtelo pral i douka, hoy hounte las mer ap mende. Mer djinah, kol douka krenna, te dikas ap o Debleste.

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

1. Petro 4:13

Te venn douka ap t'mende, djinenn: save douka van ninna ap o Yezous Kristeste. Doleske avenn barhtelo! Ap ko dives, kay leskro raylepen diklo vella, givenna oun bashrenna t'mare djia i barhtyatar.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”