Bičepangre 1:25 - O Debleskro Lab 2024 (Sinte-Manouche)

²⁵ te penell yob i menshenge o lačo lab o Yezous Kristestar oun krell koy boudi, hoy o Youdas moukas. Kova moukas men oun djas peske.”

O Debleskro Drom 2021 (Sinte)

²⁵ te penell job i menshenge o latcho lab o Jesus Kristestar un krell koi budi, hoi o Judas mukas. Kowa mukas men un djas peske.”

Bičepangre 1:25 Referans Kwoze

1. Korintarja 9:2

Vavar penenna, te hom me gar o Yezousestar bičedo. T'mer djinenna, kay man o Yezous Kristo bičras. Oun har me ap t'mende lestar rakrom, van t'mer patslo.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Johanni 17:12

Yaake rah har me pash lende homs, dom garda ap lende an tiri zoor, kay tou man dal. Me rikrom len, te djan yon gar krik toutar. Kek lendar djas nashedo. Yek kokres djas nashedo, yaake te vas čačo, hoy lestar činlo vas.

Galatarja 2:8

Kova, kay bičras o Petres pash i biboldende, hi kova, kay man bičras pash kolende, kay kek bibolde hi.

Johanni 13:27

Har o Youdas ko kotar maro las, vas o beng an leste. “Hoy kameh te krell, kova kre sik!” penas o Yezous ap leste.

Mateo 26:24

O Mensheskro Čavo hounte merella, yaake har hi lestar činlo an o Debleskro lab. Havi bibarht vell ap koleste, kay ap leste phoukrella! Koleske vals feteder, te vals lo gar boldo.”

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Debleskri gili 109:7

Te vell lo glan i čačepangre raya anlo, mouk kolen i phagi pral leste vin rakrell. Te mangell lo tout, dik ap leskro mangepen, har te vals kova i doosh.