Amos 9:1 - O Debleskro Lab 2024 (Sinte-Manouche)

¹ Me dikom o Debles, maro rayes, tardo pash i rhačepaskri an peskro kheer. Oun yob penas: De ap o pralstouno kotar kol barrendar, kay hidjrenn miro kheer! De yaake zoreles, te trissenn ninna i telstoune barra, oun o tselo kheer an kotya perella, oun mouk len te perell ap i sherya kal menshendar. Oun hoy lendar pral ačell, kamau te marell o rhareha. Kek nay nashell peske. Kek ačell djido.

O Debleskro Drom 2021 (Sinte)

¹ Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

Amos 9:1 Referans Kwoze

Debleskri gili 68:21

Men hi i Devel, kay menge koy hi. Yob hi o baro Devel, maro ray, kay lell men vin dran o merepen.

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Johanni 1:32

Oun o Yohanni penas: “Čačepah, me dikom o Debleskro Dourho har i parno čirklo, kay vas dran o bolepen pral tele, oun ačas ap leste.

Zefanja 2:14

Boud firhe djivenn koy dren, ninna divye firhe hi kote khere. Ratsyakre čirkle djivenn mank i tele phagede turme. O mouleskro čirklo dell gole dran i vorhni. Oun o korako dell gole glan o voudar. Ko shoukar kasht i kherendar hi tele phagedo.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 9:2

Koy van shob morsha ap o drom, kay vas kotar, kay o pralstouno baro voudar hi, ap i nordetikri rig o baro Debleskro kherestar. Oun hakenes his čomone an o vast, koleha yob nay marell. Oun pash lende his yek, koleskre koola his dran layntikro than. Ap leskro pereskri dori his i činepaskri pandlo, koleha yob nay laba pre činell. Oun yon van oun ačan pash i sasterni rhačepaskri tardo.

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Jesaja 30:16

T'mer penenn: “Na-a, ap graya kamah sik te klissell. Mare graya hi sik naashepangre.” Ava, t'mer nashenn sik t'menge. Oun kolla, kay t'men palla lenn, nashenn gomme sikeder.

2. Familjakro liil 18:18

O Mika penas: “Shounenn, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Bičepangre 26:13

Me homs ap o drom, baro Agrippa, har dikom mashkral o dives i bari momeli dran o bolepen. Oun koya vas troul mande oun troul kolende, kay pash mande his. Koy momeli his zorleder har o kham.

Debleskro tsiro 8:3

Oun i vavar bolepaskro vas, oun djas pash o Debleskri rhačepaskri. Les his i sonakaskro čaro an o vast, an koleste goudlo kasht rhačedo vella, hoy mishto soungella. Oun ko bolepaskro las boud goudlo kasht, te rhačrell lo les ap o Debleskro sonakaskro bob, hoy glan o Debleskro beshepaskro tardo hi, te vell o lačo soungepen khetne o mangepah, hoy o Debleskre čave o Deblestar mangan.

Debleskri gili 68:22

Kolenge, kay les gar kamenna, stakrell lo o shero dren, hake čilačenge, kay moukenn gar pengro čilačepen.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 42:16

palle taprell t'men o rharo an o them Egiptia, glan koleste t'mer t'men kanna trashenn. Oun koy bok, glan kolate t'mer t'men kanna darenn, lenn t'men palla an o them Egiptia. Oun t'mer merenn kote.

Ezekiel 15:7

Me dikau čilačes ap lende, oun dau len pengri phagi: Bis kanna van le dran i yag vin. Kanna vell i yag pral lende, oun rhačrenn len pre. Koy pre dikenn oun hayvenn t'mer, te hom me o baro Devel.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Zefanja 1:12

An ko tsiro vella yaake, kay lau i momeli oun rodau an o foro Yerusalem lauter kolen, kay djivenn i shoukar djipen oun djinenn kek daar, oun kay penenn an pengre djia: O baro Devel krell menge či, kek lačepen, vitar kek čilačepen.

Josua 10:18

Koy penas o Yosua: “Čivenn bare barra glan i grotta, te nay djal kek vin. Oun čivenn morshen glan late tardo, hoy ap late yak denn.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”