Amos 7:8 - O Debleskro Lab 2024 (Sinte-Manouche)

⁸ Oun o baro Devel poučas mandar: “Hoy dikeh, Amos?” Me penom: “I dori, kay i blayo pre-pandlo hi.” Koy penas lo: “Dik, me čivau i dori, kay i blayo pre-pandlo hi, mank mire menshende Israel, te sikrap, kay hi le har i bangi massouri. Yon khaytenn man kanna bouder gar.

O Debleskro Drom 2021 (Sinte)

⁸ Un o baro Dewel putchas mandar: “Hoi dikeh, Amos?” Me penom: “I dori, kai i blaio pre-pandlo hi.” Koi penas lo: “Dik, me tchiwau i dori, kai i blaio pre-pandlo hi, mank mire menshende Israel, te sikrap, kai hi le har i bangi massuri. Jon khaitenn man kanna buder gar.

Amos 7:8 Referans Kwoze

Amos 8:2

Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

Ropaskre gilja 2:8

O baro Devel las peske zoreles glan, te phagell lo i massurya o forestar Yerusalem tele, oun tserdas i dori pral lende, te dikell lo pal, har boud tele phagedo vella, oun las peskro vast gar krik, bis kek bar ap o vavar ačas. I massurya oun turme hi ropah čiddo ap i phoub, oun len hi bouder kek zoor.

Jeremia 15:6

Tou djal mandar krik, penell o baro Devel, oun kamal mandar či bouder djinell. Doleske hadom me miro vast ap toute, te marap tout. Me hom khino, te krap miro dji touke pre.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Jesaja 28:17

An miro kheer djivell o čačepen, oun mire menshende dau čačepaskre laba. Zorelo brishin, kay brishineskre barra dren hi, dell palle o rhorhepen paash, ap koleste t'men rikrenn. Oun panya hidjrenn t'maro khatepen krik.

2. Rajengro liil 21:13

Oun me kamau ko emligo koova ap o foro Yerusalem te krell, har krom ap o foro Samaria. Oun dau o fores savi phagi har čivom ap o kheer Ahab. Oun kamau i menshen dran o foro Yerusalem vin thovell, yaake har čare vin thode venna, oun ap o shero čiddo venn.

Zakarie 5:2

Oun o bolepaskro poučas mandar: “Hoy dikeh?” Me penom: “I liil, hoy djal an i loufta. Ko liil hi enya metarya lengsto oun star-te-paash metarya bourhlo.”

Jesaja 34:11

I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

Amos 7:7

Oun yob moukas man pale te dikell: Yob his tardo ap i massouri, an peskro vast i dori, kay i blayo pre-pandlo hi, te dikell lo, te hi i massouri gar bango.

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Hosea 1:6

Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Zakarie 4:2

oun penas ap mande: “Hoy dikeh?” Me penom: “Me dikau i momelengri kerdi dran sonakay. Ap late hi i čaro. Koy pre hi efta momlia, hakeni i mouyeha.