Amos 7:14 - O Debleskro Lab 2024 (Sinte-Manouche)

¹⁴ O Amos penas: “Me hom kek Debleskro rakepaskro, koles siklo vas, har te rakrell lo o Debleskro lab, oun kova koleske playsedo vell. I bakrengro hom me, oun faygetikre rouka hi man. Kolestar djivau.

O Debleskro Drom 2021 (Sinte)

¹⁴ O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Amos 7:14 Referans Kwoze

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Zakarie 13:5

Na-a, hakeno lendar penell: “Me hom kek Debleskro rakepaskro. Me hom i harho. I boudi ap i harhetikri phoub hi miri boudi foun tiknes pre.”

2. Rajengro liil 4:38

Har o Elisa pale an Gilgal vas, his i menshen či te rhal an ko them. Oun har kol Debleskre rakepangre glan leste beshdo his, penas yob ap peskro boudepaskro: “Le i bari piri oun kere lenge i soummi rhapaske.”

2. Rajengro liil 2:5

van kol Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Familjakro liil 19:2

Oun kote vas leske o dikepaskro, o Yehou an o drom. Koleskro dad his o Hanani. Oun o Yehou penas ap o baro rayeste Yosafat: “Hoske val tou o čilačo morsheske ap i rig, oun val i maal kolestar, kay kamas o baro Deblestar či te djinell? Doleske vell i rholi o baro Deblestar pral toute.

2. Rajengro liil 2:3

djan o Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

1. Korintarja 1:27

O Devel rodas kolen vin, kay an i menshengre yaka gar gosevo hi, te dikenn i goseve menshe, kay lengro gosvepen či molella. Yob rodas kolen vin, kay hi len kek zoor an i menshengre yaka, te dikenn i zorele, kay lengri zoor či molella.

2. Familjakro liil 20:34

Oun ko tselo vavar koova, hoy pral o Yosafat penepaske hi, kova hi činlo an o liil, hoy činas o Yehou, koleskro dad o Hanani his, oun vas pre-lino an i familyakro liil i bare rayendar pral o them Israel.

2. Familjakro liil 16:7

An ko tsiro vas o dikepaskro, o Hanani pash o Asa, ko rayeste pral Youda, oun penas ap leste: “Tou rikral tout ap o baro rayeste pral o them Syria, oun gar ap o baro Debleste, kay tiro Devel hi. Doleske nay nashas peske o ray pral Syria peskre lourdentsa dran tiro vast.

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kay mer vah khetne, hi gar baro doha.

2. Rajengro liil 2:7

Har his le pash o Yordan tardo, van paash-sheel Debleskre rakepangre koy oun ačenn i kotar dour krik tardo.

1. Rajengro liil 20:35

Koy his Debleskre rakepangre, kay ap yek platsa khetne djivan. Oun yek lendar penas ap i vavareste: “O baro Devel penas mange, te dess tou man.” Ko vavar kamas kova gar te krell.

1. Samuel 10:11

Oun har dikan kolla, kay les prindjran, har rakras yob o Debleskro rakepen vin khetne o Debleskre rakepangrentsa, koy poučan le pen: “Hoy djas o Sauleha, koleskro dad o Kish hi? Vas yob ninna o Debleskro rakepaskro?”

1. Rajengro liil 19:19

Oun o Eliya djas doureder oun hatsas o Elisa, koleskro dad o Shafat hi. Oun o Elisa boudras ap i kotar phoub. Glan leste djan deesh-te-yek boudepangre, hakeno douy groumyentsa, kay hadan i phoub trouyel. Yob kokres his o deesh-te-douyto, kay djas glan douy groumya. Kote djas o Eliya pash leste oun vitsras leske leskri plaashka trouyel.

2. Rajengro liil 2:15

Oun har dikan kova kol Debleskre rakepangre, kay ap i vavar rig pash Yericho his, penan yon: “Koy zoor o Eliyestar hi ap o Elisa čiddo.” Oun yon djan pash leste oun peran glan leste tele ap i phoub.

Hiob 30:4

Kote rodan le pen o londo zenlepen khetne mashkral i bourra, oun rhan ninna i draba kol bourrendar, hoy kharenn Ginster.

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?