Amos 7:10 - O Debleskro Lab 2024 (Sinte-Manouche)

¹⁰ Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

O Debleskro Drom 2021 (Sinte)

¹⁰ Un o rashai o forestar Betel – leskro lab his Amazja – bitchras murshen pash o Jerobeam, ko baro rajeste an Israel, un mukas leske te penell: “O Amos krell i menshen diwjo, te hadenn le pen pral tute. Leskro rakepen nai shunah mer buder gar.

Amos 7:10 Referans Kwoze

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

1. Rajengro liil 13:33

Ninna pal kava koova moukas o Yerobeam gar tele peskro čilačo dromestar. Yob čivas rashayen an pengri boudi dren, kay his kol moule deblenge koy. Oun kolla van vavar menshendar har kol menshendar Levi. Hakeno, kay kamas, nay vas i rashay, oun vas dren čiddo an peskri boudi.

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Bičepangre 7:54

Har yon kova shounan, hoy o Stefano lenge penas, djas lenge kova an o dji, oun i bari rholi tapras len.

Bičepangre 5:28

“Mer dam t'men zoreles trad, te rakrenn t'mer či bouder o Yezousestar. Oun kanna vell lestar rakedo an o tselo foro Yerusalem. Oun t'mer penenn, kay mer maram les. Kamenn t'mer, te vell leskro rat pral mende?”

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

1. Rajengro liil 18:17

Oun har o Ahab o Eliyas dikas, penas lo ap leste: “Hal tou kova, kay anom o Israel an i bibarht dren?”

1. Mose 37:8

Koy penan leskre phrala ap leste: “Kameh te vess ray pral mende? Kameh čačepah te vess o pralstouno mendar?” Oun yon his leske boudeder čilačo pral leskri souni oun leskro rakepen.

Jeremia 36:16

Har shounan le kol tsele laba, lan le traash oun penan leske: Ko hounte penas mer o baro rayeske!

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 7:11

Yob penell: O Yerobeam vell o rhareha moulo dino. Oun i Israelitarya venn pandles krik anlo dran pengro them.”

Amos 5:10

Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.