Amos 6:8 - O Debleskro Lab 2024 (Sinte-Manouche)

⁸ O baro oun zorelo Devel, ko ray pral o bolepen oun i phoub, das pes sovel pash peskro djipen oun penas: Me hom rhoyedo pral o pre-phourdepen o Yakobeskre čavendar, oun nay dikau lengre shoukar khera bouder gar glan i yaka. Doleske dau o foro oun lauter, hoy koy dren hi, an i vasta vavar menshendar.

O Debleskro Drom 2021 (Sinte)

⁸ O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 6:8 Referans Kwoze

Amos 4:2

O baro Devel, maro ray, das pes sovel pash peskro lab: O tsiro vella, kay taprenn le t'men yaake har mače tapedo venn i ranyentsa. Hakeno t'mendar hi har i mačo ap i raan.

Jeremia 51:14

O baro Devel, ko ray pral o bolepen oun i phoub das pes sovel pash peste: Čačepah, me anau boud lourden an tiro foro – yaake boud har stepangre! Oun yon denn bari gole i barhtyatar, te lenn le tiro foro dren.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

Debleskri gili 47:4

Yob vitsras menge i menshen dran vavar themma tel mare pire, oun čivas men pral lende.

Amos 3:11

Doleske penell o baro Devel, maro ray, ap i menshende an Samaria: Kourepangre venn troul t'maro them, pandenn les dren, phagenn i zorele massurya tele, oun randenn t'mare khera vin.

Jeremia 22:5

Te shounenn t'mer gar ap kal laba, vell kava kheer paash dino. Kova dom man sovel pash mande kokres, penell o baro Devel.

Debleskri gili 106:40

Kote rhoyras pes o baro Devel ap peskre menshende, oun nay dikas len bouder gar glan peskre yaka.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Ropaskre gilja 2:5

O baro Devel vas har yek, kay hi čilačo ap mende. Yob das o them Israel khetne. Yob phagas i tsele shoukar khera tele oun kras i zorele forya paash. Boud ropen oun doukepen anas lo pral o them Youda.

Debleskri gili 78:59

Har o Devel kova shounas, vas lo yaake rhoyedo, te das lo o Israel pre.

Debleskri gili 50:12

Te vals man bok, me penoms touke kova gar. I tseli phoub hi miro oun lauter, hoy ap late hi, ninna.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

3. Mose 26:11

Oun me djivau mashkral t'mende, oun sikrau t'men gar miro doumo.

1. Mose 22:16

oun penas: “O baro Devel penell: Tou kamal tiro yek čaves mange te marell. Kova kamal tou mange te krell. Doleske dau man ap mande sovel, te čivap miri zoor oun miri barht ap toute. Oun toutar venna boud boud menshe. Yon venn yaake boud har bolepangre momlia ap o bolepen hi, oun har i santa pash o baro pani. Oun tire čave, kay pal toute venna, venna ray pral kolende, kay kourenn pen lentsa oun lenn kolengre forya krik.

Jeremia 12:8

Mire menshe van mange har i levo an o veesh, kay kras o mouy pre, oun das man čilačes an-gole. Doleske kamau len bouder gar.

Jeremia 44:26

Kanna shounenn, hoy o baro Devel t'menge penell, t'mer halauter dran o them Youda, kay djivenn an o them Egiptia: Me dau man sovel pash miro baro lab, penell o baro Devel, te vell miro lab bouder gar vin rakedo kol menshendar dran o them Youda, kay kate an o them Egiptia djivenn. Kek lendar hounte penella: “Pash o djido Debleste, maro rayeste!”

Jeremia 49:13

Me, o baro Devel, dom man pash mande kokres sovel, te vell t'maro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, yaake paash dino vell ko foro. Te kamell yek o vavares te praasell, penell lo: Mou djal touke har o foreske Bozra! Ninna i tsele vavar foryendar an o them Edom ačell či pral har barra hako tsireske!

Hosea 11:6

An lengre forya djal o rharo trouyel, oun dell i rhorhene rakepangren moulo, te nay krenn le bouder gar, hoy le penge glan lan.

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Amos 5:21

O baro Devel penell: Rhoyedo hom me pral kol bare divessa, kay venn t'mer khetne. Mange hi le i čadepen.

Amos 8:3

An ko dives givenn i gipangre an o rayeskro kheer ropaskre gilya. An i tsele gaba oun forya hi moule menshe čiddo. Kolen vitsran le pokones koy. Kova penau me, o baro Devel.

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jeremia 22:14

Bibarht ap koleste, kay penell peske: Kamau man i baro kheer te krell, kay hi bare iseme oun boud vorhya dren. Ap i massurya moukell lo cedertikro kasht te čivell oun lolo djet te makell.