Amos 5:9 - O Debleskro Lab 2024 (Sinte-Manouche)

⁹ Pral o zoreleste anell yob bibarht, oun o zorelo foro phagell lo tele.

O Debleskro Drom 2021 (Sinte)

⁹ Pral o soreleste anell job bibacht, un o sorelo foro phagell lo tele.

Amos 5:9 Referans Kwoze

Hebrearja 11:34

Vavar van an i yag vitsedo, oun i yag nay rhačan len gar. Vavaren kaman i menshe i rhareha te marell, oun yon nay nashan penge. Kolla, kay kek zoor bouder an lende his, kolen kras o Devel zoreles. An o kourepen lan le i zoor, te tradan le i vavar lourden krik.

Micha 5:11

Oun o tselo bengeskro koova lau t'mendar krik, kek dravepangre ačenn pash t'mende.

Jeremia 37:10

Te nay marans t'mer ninna i tsele lourden dran o them Babilonia khetne, kolla kay kourenn pen t'mentsa, oun te ačans lendar kokres i vast pherdo pral, kay doukedo hi, palle stakrans le dran pengre plarhtene khera pre, oun rhačrans kava fores tele.

2. Rajengro liil 13:25

O Yoash las kol forya an o kourepen pale pale dran o vast o baro rayestar Ben-Hadad, koleskro dad o Hasael his, – kol forya, kay o Hasael an o kourepen o Yoasheskro dadestar Yoakaz krik las. Triin kope das les o Yoash oun las yaake kol Israeleskre forya pale pale.

2. Rajengro liil 13:17

oun penas: “Kre i vorhni pre kote, kay o kham pre djala!” Oun yob kras i vorhni pre. Oun o Elisa penas: “De karye!” Oun yob das karye. Oun o Elisa penas: “Ko faylo hi i sikepen, kay krell men o baro Devel zoreles, zorleder har i Syrarya! Ava, tou koureh tout lentsa oun deh len pash Afek, bis te lauter moulo hi.”

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.