Amos 5:20 - O Debleskro Lab 2024 (Sinte-Manouche)

²⁰ Ava, o baro Debleskro dives anell tamlepen oun kek momlia. I kalo dives hi lo – kalo har i rat.

O Debleskro Drom 2021 (Sinte)

²⁰ Awa, o baro Debleskro diwes anell tamlepen un kek momlia. I kalo diwes hi lo – kalo har i rat.

Amos 5:20 Referans Kwoze

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Zefanja 1:15

Kava dives hi i dives, kay o Debleskri rholi pral i menshende vell, i dives pherdi daar oun traash, i dives, kay lauter paash dino oun tele phagedo vell, i dives, kay tamlo vell, oun kali rati vell, i dives, kay kale volke i phoub čakrenna,

Ezekiel 34:12

Yaake har i bakrengro, kay pash peskre bakre hi, kolen rodell, kay nashran pen, yaake rodau me mire bakren, oun lau len pale dran haki platsa, kay le tradedo van ap ko djoungelo kalo dives.

Debleskro tsiro 16:10

Oun o pančto bolepaskro čoras peskro čaro vin pral o firho oun leskro them, kay yob o ray hi. Oun i rati vas ap lende. Oun leskre menshe dandran ap pengri čip i doukatar.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Nahum 1:8

I baro zorelo panyeha khossell lo o foro krik kolendar, kay hadan pen pral leste. Oun an i kali rat tradell lo len.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Obadja 1:15

O dives vell sik, kay vell miri rholi pral i tsele themma ap kay phoub, penell o baro Devel. Yaake har tou kral, yaake vell touke kerdo. Kova hoy tou kral, vell ap tiro shero pale.

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.