Amos 4:6 - O Debleskro Lab 2024 (Sinte-Manouche)

⁶ Me hom kova, kay bičras i bok an t'mare tsele forya. Ninna te his t'men gar doha rhapen an o tselo them, van t'mer gar pale pash mande, penell o baro Devel.

O Debleskro Drom 2021 (Sinte)

⁶ Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Amos 4:6 Referans Kwoze

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jesaja 9:13

Ap yek dives las o baro Devel lendar i pralstunen krik, ninna kol rhorhene rakepangren, kay penan, kay lengre laba o Deblestar van. Kova hi, har te činals yek i mačestar o shero oun o pori tele, oun i roukestar i patria oun i telstouno kotar. I phourende oun i an-dikle hi o shero. Kol rhorhene, kay penenn, lengre laba vans o Deblestar, hi o pori.

Debleskro tsiro 2:21

Me dom lat tsiro, te nay moukell li peskro čilačo drom. Oun yoy kamell gar peskro djoungelo koova te moukell.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Ezekiel 16:27

Doleske hadom miro vast, te dap tout i phagi, oun lom touke i kotar them krik kolestar, hoy dom tout. Oun i djouvyenge an o them Filistia, kay his rhoyedo ap toute, dom tout an i vasta, te krenn le touha, har yon kamenn. Oun yon ladjan pral tiro vi-ladjedo djipen.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 3:1

O baro Devel, ko ray pral o bolepen oun i phoub, lell dran o foro Yerusalem oun dran o them Youda lauter krik, ap koleste i menshe pen rikran oun hoy len zoor das. O tselo maro oun o tselo pani lell lo lendar krik.

2. Familjakro liil 28:22

Ninna te his ko tsiro yaake pharo o baro rayeske Ahas, anas lo i boudeder doosh ap peste glan o baro Debleste.

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

2. Rajengro liil 4:38

Har o Elisa pale an Gilgal vas, his i menshen či te rhal an ko them. Oun har kol Debleskre rakepangre glan leste beshdo his, penas yob ap peskro boudepaskro: “Le i bari piri oun kere lenge i soummi rhapaske.”

1. Rajengro liil 18:2

Oun o Eliya kras pes ap o drom, te moukell lo pes glan o Ahab te dikell. An o them Samaria his i bok zoreles.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

5. Mose 28:38

T'mer vitsrenn boud djob ap t'mari phoub vin, oun anenn kokres i vast pherdo dren. I stepangre rhan halauter pre.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Joel 1:16

Mare yakentsa dikam, har maro rhapen krik lino vas, oun gipen oun khelepen dran maro Debleskro kheer.

3. Mose 26:23

Te moukenn t'mer t'menge mandar pale ninna gomme či te penell, oun sikrenn mange o doumo,

Ruth 1:1

An ko tsiro, har i čačepangre morsha i raya pral o Israel his, vas i bari bok an o them. Oun i morsh dran o foro Betlehem an o them Youda djas an o them Moab, te djivell lo koy peskri romyah oun peskre douy morsh čaventsa.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Hosea 11:5

An o them Egiptia djan le gar pale. O them Assour vell o ray pral lende, doleske kay kaman le gar pale pash mande te vell.