Amos 3:6 - O Debleskro Lab 2024 (Sinte-Manouche)

⁶ Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

O Debleskro Drom 2021 (Sinte)

⁶ Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Amos 3:6 Referans Kwoze

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Zefanja 1:16

i dives, kay i kourepaskri gole shounlo vell, oun an i phourdepangre phourdedo vell, te djan i lourde an o kourepen, oun phagenn tele kol zorele forya oun bare massurya.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.

1. Mose 50:20

T'mer kaman te krenn mange čilačepen. O Devel las peske glan, te krell lo lauter mishto, yaake har hi kava dives: Boud menshe ačan djido.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Jeremia 4:5

Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Ezekiel 33:3

oun yob dikell lourden te vell, palle phourdell lo an i phourdepaskri, te djinenn i menshe, hoy vella.

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Amos 3:5

Perell i čirklo an i netsa, te kras kek koy netsa bourhlo? Na-a! Stell i saster pre, te taprell lo i kermuso, te peras či koy pre? Na-a!

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.

2. Rajengro liil 6:33

Har yob lentsa an o rakepen his, vas o baro ray pash leste oun penas: “O baro Devel anas kay bibarht pral mende. Har nay dikau me kanna ap leste, te lell lo men koy vin?”