5. Mose 9:13 - O Debleskro Lab 2024 (Sinte-Manouche)

¹³ Oun o baro Devel rakras pale mantsa oun penas: “Me dikau, kay djivenn kol menshe pal pengro shero oun kamenn gar te shounell.

O Debleskro Drom 2021 (Sinte)

¹³ Un o baro Dewel rakras pale mantsa un penas: “Me dikau, kai djiwenn kol menshe pal pengro shero un kamenn gar te shunell.

5. Mose 9:13 Referans Kwoze

5. Mose 10:16

Doleske shounenn kanna ap o baro Debleste, oun djan gar bouder pal t'maro shero!

5. Mose 9:6

Yaake djinenn kanna, hi gar dran t'maro čačo djipen, te dell t'men t'maro baro Devel kava lačo them, te lenn les t'menge dren. T'mer han menshe i djiyentsa har bar.

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Hosea 6:10

An o them Israel dikom djoungelo čilačo koova. Kote moukas man o kheer Efrayim har i djouvel, kay peskro romes rhorhell. Yaake kran pen mire menshe pale-čiddo.

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 7:11

Kava kheer, hoy mange kerdo vas, hi kava t'menge i kheer, kay i čorepangre pengro čoredo koova khatrenn? Mishto, palle dikau me kova ninna yaake, penell o baro Devel.

Debleskri gili 50:7

“Mire menshe, shounenn! Me kamau rakrell. Israel, shoun, har me, tiro Devel penau touke, kay kova, hoy kral, gar mishto hi.

1. Mose 18:21

Doleske kamau me tele te djal, te dikap: Hi kova ninna čačo, hoy rakedo vas? Oun te hi vavarčandes, kamau kova ninna te djinell.”

1. Mose 11:5

Koy vas o baro Devel tele, te dikell lo ko foro oun ko baro kheer, hoy kol menshe krenn.