5. Mose 6:11 - O Debleskro Lab 2024 (Sinte-Manouche)

¹¹ ninna khera pherdo lačo koova, hoy tou gar khetne lal, oun vi-dine brounne, hoy tou gar dran o bar vin dal, ninna drakengre rouka oun djeteskre rouka, hoy tou gar an i phoub čival. Oun palle, te rhah kolestar lauter oun veh čalo,

O Debleskro Drom 2021 (Sinte)

¹¹ ninna khera pherdo latcho koowa, hoi tu gar khetne lal, un wi-dine brunne, hoi tu gar dran o bar win dal, ninna drakengre ruka un djeteskre ruka, hoi tu gar an i phub tchiwal. Un palle, te chah kolestar lauter un weh tchalo,

5. Mose 6:11 Referans Kwoze

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

5. Mose 11:15

Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.

5. Mose 14:29

Palle nay venn i Levitarya, kolen kek phoub hi, kay an tiro foro djivenn, ninna i vi-themarya, i čave, kolen kek dad bouder hi, oun i djouvya, kolengro rom meras, oun yon te rhan oun venn čales. Te krenn t'mer yaake, čivell t'maro baro Devel peskri barht ap halauter, hoy krenna.

5. Mose 19:1

Ap ko tsiro, kay tradas t'maro baro Devel kol vavar menshen vin dran ko them, hoy lo t'mende dell, oun t'mer lan ko them dren, oun djivenn an lengre forya oun an lengre khera, palle hounte rodenn t'menge triin forya vin, kay nay djan kolla dren, kay naashepangre hi.

Josua 24:13

Oun me dom t'men i them, koleske t'mer t'men gar tele maran, oun forya, hoy t'mer gar pre čivan. Kanna djivenn t'mer an kal forya oun rhan kol drake foun i drakengre rouka oun djeteskre rouka, hoy t'mer gar an i phoub čivan.”

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Debleskri gili 105:44

Yob das len o them vavar menshendar, oun halauter, hoy kolen his, das lo lende, te vell kova lengro.