5. Mose 5:29 - O Debleskro Lab 2024 (Sinte-Manouche)

²⁹ Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

O Debleskro Drom 2021 (Sinte)

²⁹ Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

5. Mose 5:29 Referans Kwoze

Jesaja 48:18

Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Louka 19:42

oun penas: “Barhtelo vans t'mer, te djinans t'mer kava dives, koon anell t'menge o Debleskri barht! T'mer han korelo. T'mer dikenn les gar.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Johanni 15:14

Te krenn t'mer, hoy me t'menge penom, han mire mala.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

Ruth 3:1

Oun i Naomi penas ap late: “Miri čay, me kamau touke i romes rodell, te djal touke pale mishto.

5. Mose 22:7

I čaven nay leh, te kameh. I dat moukess te djal, te djal touke mishto oun te djivess i rah djipen.

5. Mose 19:13

Yob te khaytell t'men gar! Savo marepaskro hounte merell, te djal t'menge mishto an Israel. Yob maras yekes, ap koleste kek doosh his.

5. Mose 12:28

Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

5. Mose 12:25

Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.

5. Mose 6:18

Te krenn, hoy čačo oun lačo hi glan leskre yaka, djal t'menge mishto. Oun t'mer venn dren an ko lačo them, kolestar o baro Devel t'mare phourenge penas, te tradell lo kolen glan t'mende kote vin, kay t'men gar kamenn. Oun yob das ninna peskro vast koy pre.

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

5. Mose 5:30

Dja pash lende oun pen lenge: Djan an t'mare plarhtene khera pale!

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

Debleskri gili 78:7

yaake te rikrenn yon pengro tselo djiyeha ap o Debleste, oun bistrenn gar, hoy o Devel lauter kras, oun rikrenn lauter, hoy yob penas,

Jeremia 42:6

Te penell lo menge, hoy te kras, palle kamah te shounell ap leskre laba, – te hi le lačes oun te hi čilačes menge, mer kamah te shounell ap maro baro Debleste, pash koleste bičrah mer tout. Palle djal menge mishto.

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

5. Mose 4:10

hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

5. Mose 6:17

Rikrenn mishto o baro Debleskre laba oun djivenn yaake, har t'maro Devel t'menge sikras. Krenn, hoy yob t'mendar kamell!

5. Mose 8:6

Doleske denn yak ap i laba t'maro baro Deblestar, oun djan ap leskre drom, oun shounenn o tselo djiyeha ap leste.

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

1. Familjakro liil 29:18

Baro Devel, tou Devel mare phourendar, o Abrahamestar, o Isaakestar oun o Yakobestar, kre, kay tire menshengre djia hako tsiro touke pre hi, oun yon pen ap toute rikrenn!

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 81:16

Kolla, kay pen ap o baro Debleste rhoyrenn, hounte vitsrens pen tele glan leste. Lengri phagi ačals hako tsireske.