Biblia Todo Logo
Bib sou entènèt

- Piblisite -




5. Mose 4:40 - O Debleskro Lab 2024 (Sinte-Manouche)

40 Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

Gade chapit la Kopi

O Debleskro Drom 2021 (Sinte)

40 Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

Gade chapit la Kopi




5. Mose 4:40
34 Referans Kwoze  

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.


Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.


Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.


Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.


Rikrenn t'men ap kova, hoy t'menge penau! Oun djivenn pal kova! Me hom o baro Devel.


I čaven nay leh, te kameh. I dat moukess te djal, te djal touke mishto oun te djivess i rah djipen.


Te krenn, hoy čačo oun lačo hi glan leskre yaka, djal t'menge mishto. Oun t'mer venn dren an ko lačo them, kolestar o baro Devel t'mare phourenge penas, te tradell lo kolen glan t'mende kote vin, kay t'men gar kamenn. Oun yob das ninna peskro vast koy pre.


Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.


Yaake denn yak ap kol laba, oun rikrenn len! Palle dikenn i menshe an i vavar themma, har goseve han. Te shounenn le, pal have laba t'mer djivenna, palle penenn le: “Have goseve menshe hi kolla, kay prindjrenn pen an halauter vin! Havi bari zoreli natsyona!”


Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.


Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.


“Te kamenn t'mer man o djiyestar, krenn t'mer, hoy me t'menge penom.


Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.


Kek romni, hoy vavarčandes hi, nashrell peskro ternepen. Oun haki romni nay lell i ternepen. Hakeno vell phouro.


Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”


Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.


Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.


Oun t'mer djivenn i rah tsiro an ko lačo oun bravelo them, hoy o baro Devel pes glan t'mare phourende sovel das, te dell lo les lende oun lengre čavende pal lende.


Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.


Yob mou djivell kek daryah pal voudya, hoy hi pandlo sasteha. Oun an peskro tselo djipen mou ačell leske leskri zoor!


Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!


Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.


Oun kote dell bouder kek ternepen, kay gar boud divessa phouro vell, oun kek phouro, kay merell glan peskro tsiro. O terneder lendar vell sheel bersh phouro. Oun kova, kay merell oun his kek sheel bersh phouro, kolestar penenn le, te vas pral leste i bibarht vin rakedo.


Palle kamau me hako tsiro pash t'mende djivell ap kay platsa, an kava them, hoy me t'mare phourende dom.


Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.


Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.


Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har zerya familye yek pal i vavar djivenn.


Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.


Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.


I menshenge dran o kheer Rekab penas o Yeremia: Kava penell o baro Devel, ko ray pral o bolepen oun i phoub, kay o Israeleskro Devel hi: T'mer shounan ap t'maro dadeste Yonadab, oun rikran t'men ap leskre tsele laba, oun kran halauter yaake, har yob t'menge penas,


Swiv nou:

Piblisite


Piblisite