5. Mose 32:51 - O Debleskro Lab 2024 (Sinte-Manouche)

⁵¹ T'mer douy nay djan gar an o them dren doleske, kay shounan gar ap mande, har hans pash ko pani, hoy kharell Meriba-Kadesh an o moulo them Tsin. Oun i Israelitarya dikan, har hadan t'mer man gar, oun moukan man gar te sikrell, te hom me o čačo Devel.

O Debleskro Drom 2021 (Sinte)

⁵¹ Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

5. Mose 32:51 Referans Kwoze

4. Mose 27:14

Kova vell doleske, kay shounan gar ap miro lab an o moulo tato them Tsin, har i Israelitarya rhoyedo his oun pal pani gole dan, oun t'mer moukan man gar te sikrap, te hom čačepah o baro oun zorelo Devel, kay nay dell len pani.” Kova his pash o foro Kadesh an o moulo tato them Tsin. Ko pani vas kharedo čingepaskro pani.

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!

Jesaja 8:13

O baro Debles, ko rayes pral o bolepen oun i phoub moukenn kokres t'maro Devel te vell! Oun kolestar darenn oun trashenn!

Josua 15:1

Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

Ezekiel 47:19

Oun ap koy rig, kay o kham pralstounes tardo hi, djal o them Israel foun o foro Tamar bis pash o pani, hoy kharell Meriba-Kadesh, oun doureder langs ko tikno pani, hoy nashell mank Israel oun Egiptia, bis pash o Mashkralstouno Baro Pani. Yaake dour djal o them Israel ap koy rig, kay o kham pralstounes tardo hi.