5. Mose 32:29 - O Debleskro Lab 2024 (Sinte-Manouche)

²⁹ Har kamaus, te vans le gosevo! Palle hayvans le, hoy ap lende vella.

O Debleskro Drom 2021 (Sinte)

²⁹ Har kamaus, te wans le gosewo! Palle haiwans le, hoi ap lende wella.

5. Mose 32:29 Referans Kwoze

Debleskri gili 81:13

Yaake moukom len kova te krell, hoy yon kaman, oun moukom len pal pengro shero te djal.

5. Mose 5:29

Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Jesaja 47:7

Oun tou penal: Me ačau rayetsa hako tsiro. Oun moukal gar an tiro dji te djal, te nay perals kava koova ap toute pale. Har kova vin djals, his touke či moldo.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Jeremia 17:11

Har i divyi karhni, kay beshell pes ap i yare, kay gar lakre hi, yaake djal koleske, kay lell peske bravlepen khetne rhorhepah. An o feteder tsiro nashrell lo peskro bravlepen, oun hi koy tardo har i narvelo.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Debleskri gili 107:15

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende,

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”

Debleskri gili 90:12

Sike men, har sik maro djipen trouyel hi, te vas mer gosevo.

Haggai 2:18

Kava dives hi o 24. (biish-te-starto) dives an o enyato čon. Kava dives čivan t'mer i telstoune barra miro khereske yek ap o vavar. Kanna denn garda, har t'menge kava divesseha djala!

Jesaja 42:23

Koon t'mendar kamell kava peskre kandentsa te shounell? Koon kamell koy pre yak te dell an ko tsiro, hoy vella?