5. Mose 32:12 - O Debleskro Lab 2024 (Sinte-Manouche)

¹² Yaake kras kova lentsa o baro Devel, yob kokres, kek vavar devel his leske ap i rig.

O Debleskro Drom 2021 (Sinte)

¹² Jaake kras kowa lentsa o baro Dewel, job kokres, kek wawar dewel his leske ap i rig.

5. Mose 32:12 Referans Kwoze

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Debleskri gili 136:16

Yob anas peskre menshen ap o drom mashkral o moulo tato them. Leskro lačepen ačella hako tsireske!

Debleskri gili 78:14

Ap o dives djas lo glan lende an i folka, oun rati an i yag, te vas len i momeli.

5. Mose 1:31

Oun an o moulo tato them hidjras lo t'menge har i dad peskro čaves ap t'maro tselo drom, hoy djan bis kate, kay kanna han.”

Debleskri gili 27:11

Baro Devel, sike man tiro drom! Oun an man ap o čačo drom, te hounte rikrenn kolla pengro mouy, kay mange čilačepen kamenna.

Nehemia 9:12

Oun tou sikral len o drom. Ap o dives djas i folka glan lende, oun i rati i yag, te vell len i momeli ap o drom, koles yon hounte djan.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

Debleskri gili 81:9

Mire menshe, shounenn ap mande, me dau t'men trad. Israel, shouness, hoy me touke penau:

Jesaja 63:14

Har groumya, kay djan i berga tele, te hatsenn le zenlepen, yaake anas o baro Devel peskre menshen kote, kay len doha djipaske his. Ava, baro Devel, yaake anal tou len pengro drom, oun kral touke i raylo lab.

Josua 24:17

O baro Devel hi maro Devel, oun yob his kova, kay las men oun mare phouren dran o them Egiptia vin, kay pandle hams. Oun glan mare yaka kras yob kava tselo baro koova an peskri zoor. Oun das ap mende yak, o tselo drom, har djam an i tsele themma, kay kol vavar menshe djivan.

Hiob 15:19

Lenge kokres his o them dino. Kek vi-themari djas mashkral lende peha.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.