5. Mose 32:1 - O Debleskro Lab 2024 (Sinte-Manouche)

¹ Tou bolepen, shoun, hoy penau! Tou phoub, de yak ap i laba, hoy venna dran miro mouy!

O Debleskro Drom 2021 (Sinte)

¹ Tu bolepen, shun, hoi penau! Tu phub, de jak ap i laba, hoi wenna dran miro mui!

5. Mose 32:1 Referans Kwoze

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Debleskri gili 49:1

I gili o rayeske pral i gipangre. Kay gili hi yekestar dran i familya Korah.

Jeremia 6:19

I menshe ap i tseli phoub hounte shounenn kova. Me kamau bibarht pral kal menshende te anell. Ap mire laba denn le kek garda, oun djan gar ap miro drom. Doleske lenn le pengri phagi.

Debleskri gili 50:4

O Devel vell te rakrell lo o čačepen vin pral peskre menshende. Ap o bolepen oun i phoub dell yob gole:

5. Mose 31:28

O Mose penas doureder: “Penenn, te venn i phoureder dran t'mare familye oun t'mare pralstoune kate pash mande khetne, te penap kay gili glan lengre kanda. Oun ap o bolepen oun ap i phoub dau me gole, te shounenn yon, hoy vella pral t'mende, te moukenn t'mer man.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

Jeremia 2:12

Dare tou, bolepen, oun tout vell traash pral kava koova, penell o baro Devel.

5. Mose 31:30

O Mose penas kay tseli gili glan i kanda i tsele Israelendar, kay kote khetne van.

Jesaja 34:1

Avenn kay, t'mer menshe dran vavar themma, oun shounenn! Denn yak ap hako lab! I tseli phoub oun lauter, hoy ap late djivell, mou shounell, hoy penau.

5. Mose 31:19

Oun kanna, čin an i liil kay gili, hoy touke penau, oun anenn lat lenge pashel, te nay givenn le lat. Yaake te nay penau me, te dom len trad kay gilyah.