5. Mose 31:17 - O Debleskro Lab 2024 (Sinte-Manouche)

¹⁷ Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

O Debleskro Drom 2021 (Sinte)

¹⁷ Palle chatchell miri choli pre pral lende, un me mukau len, un wau lenge buder gar ap i rig. Bud djungelo pharo koowa pherdo duka un daar well pral lende. Un jon penenn palle ap ko diwes: ‘Kowa lauter well pral mende doleske, kai maro Dewel buder gar pash mende hi.’

5. Mose 31:17 Referans Kwoze

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

Čačepangre 6:13

Oun o Gideon poučas lestar: “Mangau tout, miro ray! Te hi o baro Devel mentsa, hoske vas kay tseli bibarht ap mende? Oun kay hi ko tselo baro koova, hoy o baro Devel kras, kolestar menge mare phoure rakran oun penan: O baro Devel anas men dran o them Egiptia. Kanna moukas men o baro Devel oun das men an o vast kolendar dran o them Midian.”

4. Mose 14:42

O baro Devel hi gar pash t'mende. Djan gar koy pre, te venn t'mer gar maredo kolendar, kay kamenn t'maro merepen!

Jeremia 23:33

O baro Devel penas ap o Yeremia: Te poučell toutar yek mire menshendar, i rakepaskro oder i rashay: Hoy penas o baro Devel touke, hoy phares ap toute čiddo hi? Palle peness: T'mer han phares ap mande čiddo. Kamau te vitsrap t'men krik mandar, penell o baro Devel.

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Debleskri gili 30:7

Har mange mishto djas, penom: “Či nay vell, hoy nay krell mange čomone.”

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

Ezekiel 39:29

Me čorau miro dourho vin ap o kheer Israel, oun moukau len bouder gar. Kava penell o baro Devel, maro ray.

Jeremia 23:39

palle djinenn, me hadau t'men pre har i pharo koova, oun vitsrau t'men krik mandar, t'men oun t'maro foro, hoy dom t'mende oun t'mare phourende.

Jesaja 63:17

Hoske, baro Devel, moukeh tou men tire dromendar tele te djal, te kram mare djia har bar, yaake te djivam bouder gar touha? Ab pale pash mende! Ma biste tire boudepangre! Mer ham tire menshe.

Debleskri gili 90:11

Koon patsell, te nay vell tiri rholi yaake baro? Oun koon darell tiri rholyatar?

Debleskri gili 89:46

Glan o tsiro moukal tou les phouro te vell, oun anal ladj ap leste.

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Hiob 34:11

Yob dell o menshes ap o shero pale, hoy yob kras, oun yaake, har djivas lo, vell kova ap leste.

Hiob 13:24

Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

2. Familjakro liil 24:20

Oun o Debleskro dourho vas pral o Zakarie, koleskro dad o rashay Yoyada his. Yob djas glan i menshende oun penas ap lende: “Kava penell o Devel: Hoske rikrenn t'men gar ap kova, hoy penom? Doleske djal kova gar mishto, hoy krenna. T'mer moukan o baro Debles. Doleske moukell yob t'men ninna.”

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 31:18

Ap ko dives khatrau miro mouy glan lende dran ko tselo čilačo koova, hoy le kran, har mangan le vavar deblen an.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

1. Rajengro liil 8:57

Mou ačell maro baro Devel mentsa, yaake har yob mare phourentsa his, te ačell lo pash mende oun moukell men gar kokres!

2. Rajengro liil 22:13

“Djan koy oun poučenn o baro Debles mange oun i menshenge an o them Youda, pral kol laba an ko liil, hoy hatslo vas. Mare phoure shounan gar ap kol laba, hoy kote tardo hi, oun djivan gar yaake, har kote tele činlo hi. Doleske hi o baro Debleskri rholi bares ap mende čiddo.”

Jesaja 2:6

Baro Devel, tou moukal tire menshen. Yon krenn dravepangro koova, har kol menshe, kay venn kotar, kay o kham pre djala. Oun yon hi dourkepangre har i Filistarya. I menshentsa dran vavar themma krenn le čomone vin, oun denn pengro dadeskro vast pre.

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Jeremia 40:2

Glan te moukas o pralstouno i lourdendar o Yeremiyes te djal, moukas lo les pash peste te anell, oun penas ap leste: Tiro baro Devel penas kay bibarht glan-vi, hoy vas pral kava them.

Hosea 10:4

I bare raya krenn boud laba, denn pen rhorhene sobya, oun krenn pen vavar thementsa khetne. Kova, hoy kharenn le čačepen, hi har ko čilačo zenlepen, hoy vell baro ap i harhetikri phoub oun anell o merepen.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

5. Mose 30:18

palle penau me t'menge kava dives: T'mer djivenn gar i rah tsiro an ko them vergel o pani Yordan, an koleste t'mer djan, te lenn les t'menge dren.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

2. Familjakro liil 21:10

Pal kova his kol Edomarya bouder gar an i vasta kol menshendar an o them Youda bis ap kava dives. An ko tsiro peran ninna kolla an o foro Libna o themestar Youda tele. Kova vas doleske, kay yob moukas o baro Debles, ko Devel, koles leskre phoure an-mangan.

Debleskri gili 44:10

Kanna čival men pale oun vitsral men an i ladj. Tou djah gar mare lourdentsa an o kourepen.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Jeremia 33:5

T'maro kourepen lentsa hi čičeske. Yaake venn i khera an o foro pherdo i moule menshendar, kay moukom me an miri rholi moulo te dell. I menshe an kava foro his yaake čilačo, te kamom bouder gar ap lengri rig te vell.