5. Mose 31:14 - O Debleskro Lab 2024 (Sinte-Manouche)

¹⁴ O baro Devel penas ap o Mose: “Tire divessa van, te hounte meress: De o Yosua gole, oun ab khetne leha pash o Debleskro plarhteno kheer, te čivap les dren an leskri boudi.” Oun o Mose oun o Yosua djan dren an o Debleskro plarhteno kheer,

O Debleskro Drom 2021 (Sinte)

¹⁴ O baro Dewel penas ap o Mose: “Tire diwessa wan, te hunte meress: De o Josua gole, un ab khetne leha pash o Debleskro plachteno kheer, te tchiwap les dren an leskri budi.” Un o Mose un o Josua djan dren an o Debleskro plachteno kheer,

5. Mose 31:14 Referans Kwoze

4. Mose 27:13

Oun te dikal tou kova, mereh tou, yaake har tiro phraal Aron ninna meras.

5. Mose 31:23

Oun o baro Devel penas ap o Yosua, koleskro dad o Noun his: “Ab zorelo oun ma traash! Tou aness i Israelitaryen an ko them, koleske me man sovel dom, te anau len koy. Oun me kamau touha te vell.”

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Jesaja 38:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar, oun hounte meress. Doleske pen tire menshenge, har te djal pal tiro merepen doureder!”

Sikepaskro 9:5

I djide djinenna, kay hounte merenn le, i moule djinenn či. Koleske, hoy le kran, vell len vitar bouder či. Bistedo hi le.

Hiob 2:1

Oun vas o dives, kay van i bolepangre pale khetne pash o baro Debleste oun čivan pen tardo glan leste. Oun o beng his ninna pale mashkral lende.

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

2. Rajengro liil 1:4

Doleske penell o baro Devel: Tou veh gar bouder tiro čiben tele, kay tout pre čival. Čačepah tou mereh.” Oun o Eliya djas kote.

1. Samuel 10:19

T'mer vitsran kava dives t'maro Debles ap i rig, koles, kay las t'men vin dran t'mari daar oun t'maro pharo djipen. Ap koleste penan: Čip i baro rayes pral mende! Kanna mishto! Avenn glan o baro Debleste! Haki bari familya, hoy vell pal yekeste kol deesh-te-douy Yakobeskre čavendar vell tardo peske, oun mank lende ninna hako dadeskro kheer.”

Josua 24:1

Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

Josua 23:14

An i tikno tsiro merau, har hakeno ap kay phoub hounte merell. T'mer djinenn, te peras kek lab ap i phoub kol tsele lače labendar, hoy o baro Devel pral t'mende penas. Lenn kova ap o dji: Lauter, hoy yob penas, vas yaake har yob penas. Kek lab peras tele.

5. Mose 34:5

Oun o Mose, koles o baro Debleskro čačo vast hi, meras kote an o them Moab, yaake har o baro Devel les penas.

5. Mose 32:50

Oun tou mereh ap koy berga, ap koya tou pre djal, oun tou veh paskedo, har tiro phraal Aron meras ap i berga Hor oun kote paskedo vas.

5. Mose 31:2

120 (yek-sheel-te-biish) bersha hom me kava dives. Me nay djau bouder gar glan t'mende vin oun dren. Oun o baro Devel penas ap mande: Tou djas gar pral kava pani Yordan vergel.

2. Mose 34:2

Le touha, hoy tout hounte vell, te djas sik taysarlakro pral ap i berga Sinay pre. Kote am pash mande!

1. Mose 47:29

Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

2. Mose 33:9

Vas lo koy, vas i bari folka tele oun ačas pral ko voudar tardo. Oun o baro Devel rakras o Moseha.

4. Mose 27:12

Oun o baro Devel penas ap o Moseste: “Dja pre ap koy berga Abarim oun dik ap ko them, hoy dau me i Israelende.

5. Mose 4:22

Me merau an kava them, me djau gar vergel o pani Yordan. T'mer djan ap i vavar rig, oun lenn ko lačo them t'menge dren.

5. Mose 31:13

Ninna lengre čave, kay djinenn les gomme gar, hounte shounenn kova, te dikenn le, har te djivenn le o baro Debleha, kay t'maro Devel hi. Kova te vell o tselo tsiro, har djivenn t'mer an ko them, an koleste t'mer pral o Yordan vergel dren djan, te lenn les t'menge dren.”

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

1. Rajengro liil 2:1

Oun o tsiro vas, kay hounte merell o David. Kote rakras lo peskro čaveha, o Salomeha, oun penas ap leste:

2. Mose 33:11

O baro Devel rakras o Moseha, har mala rakran khetne, kay dikenn pen an i yaka. Palle djas o Mose pale ap i platsa, kay i menshe hi. Leskro terno boudepaskro, o Yosua, – koleskro dad hi o Noun, – ačas an o Debleskro plarhteno kheer.

4. Mose 27:18

Oun o baro Devel penas ap o Moseste: “Le o Yosua pash toute, koleskro dad o Noun hi. O Yosua hi i morsh, ap koleste miro dourho čiddo hi. Oun čip tire vasta ap leste,

2. Rajengro liil 20:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar oun hounte meress. Doleske pen tire menshenge, har te djal pal tiro merepen doureder!”