5. Mose 30:19 - O Debleskro Lab 2024 (Sinte-Manouche)

¹⁹ Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

O Debleskro Drom 2021 (Sinte)

¹⁹ Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

5. Mose 30:19 Referans Kwoze

5. Mose 30:15

Dikenn, me moukau t'men kava dives vin te rodell mank o lačepen oun o čilačepen, mank o djipen oun o merepen.

5. Mose 11:26

Kava dives moukau t'men vin rodell: Kamenn t'mer o Debleskri barht? Kamenn t'mer i bibarht o Deblestar?

Debleskri gili 119:30

Me kamau tiro drom an o čačepen te djal, oun yaake djivell har tire čačepaskre laba menge penenn.

Gosewe laba 8:36

Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

5. Mose 30:1

Kanna penom t'menge kal tsele laba, te nay rodenn vin: Kamenn t'mer, te vell o Debleskri barht pral t'mende? Kamenn t'mer te vell leskro praasepen pral t'mende? Te vell koy bibarht pral t'mende, oun t'mer djivenn an i vavar themma, kay t'maro baro Devel t'men tradas, venn t'menge kal laba an o dji.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

Jeremia 32:39

Me krau, te vell len yek dji oun yek djipen, te kamenn le ap mande te shounell pengro tselo djipen. Palle djal lenge mishto, ninna lengre čavenge pal lende.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

Debleskri gili 119:173

De man tiro vast, hoy hadell man! Me krom miro dji pre, te rikrap tire laba, hoy menge penenn, hoy te kras mer.

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

5. Mose 31:28

O Mose penas doureder: “Penenn, te venn i phoureder dran t'mare familye oun t'mare pralstoune kate pash mande khetne, te penap kay gili glan lengre kanda. Oun ap o bolepen oun ap i phoub dau me gole, te shounenn yon, hoy vella pral t'mende, te moukenn t'mer man.

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

5. Mose 32:1

Tou bolepen, shoun, hoy penau! Tou phoub, de yak ap i laba, hoy venna dran miro mouy!

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Gosewe laba 1:29

Yon kaman o čačepen gar te djinell, oun gar o baro Debleha te djivell.

Jesaja 56:4

Leske penell o baro Devel: Te rikreh tou o Debleskro dives dren, oun kameh kova te krell, hoy mange mishto hi, oun rikreh tout ap kol laba, hoy mire menshendar vin krom,

1. Mose 2:17

Kokres ko rouk, kay della gosvepen, hoy hi lačo oun hoy hi čilačo, kolestar te rhas tou gar. Te rhah kolestar, mereh.”

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:6

Yaake denn yak ap kol laba, oun rikrenn len! Palle dikenn i menshe an i vavar themma, har goseve han. Te shounenn le, pal have laba t'mer djivenna, palle penenn le: “Have goseve menshe hi kolla, kay prindjrenn pen an halauter vin! Havi bari zoreli natsyona!”

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

Jeremia 21:8

Oun ap kal menshende an o foro Yerusalem pen: Kova penell o baro Devel: T'mer nay rodenn t'menge vin, hoy kamenna: o djipen oder o merepen.

5. Mose 4:25

Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

Gosewe laba 9:11

Me, o gosvepen, dau tout i lengsto djipen, krau, te djiveh boud bersha.

Gosewe laba 12:28

O djipen hi kote, kay djan le ap o čačo drom. Kava drom hi mishto kerdo oun anell gar an o merepen.

Jeremia 42:21

Kova penom t'menge kava dives. Oun t'mer kamenn gar ap t'maro baro Debleste te shounell, te krenn halauter, hoy yob moukas t'menge dran miro mouy te penell.

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.