5. Mose 3:5 - O Debleskro Lab 2024 (Sinte-Manouche)

⁵ Hako foro his i zorelo foro, koles bare massurya troul peste his. An lende his bare voudya, hoy sasterentsa pandlo van. Ninna his kote boud gaba, kolen kek massurya his.

O Debleskro Drom 2021 (Sinte)

⁵ Hako foro his i sorelo foro, koles bare massurja trul peste his. An lende his bare wudja, hoi sasterentsa pandlo wan. Ninna his kote bud gaba, kolen kek massurja his.

5. Mose 3:5 Referans Kwoze

Hebrearja 11:30

I Israelitarya patsan ninna kova, hoy o Devel lenge penas, har his le glan o foro Yericho tardo. Oun yon djan efta kope troul o foro. Palle peran i tsele barra khetne, hoy troul o foro pre-čiddo his.

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

4. Mose 13:28

Yek koova hi gar mishto: Kol menshe, kay djivenn kote, hi zorelo. Kol forya hi baro oun zorelo kerdo. Oun mer dikah kote ninna kol menshen, kay venn pal o Anak.

5. Mose 3:4

An ko tsiro lam ko tselo kotar them Argob dren an o them Bashan, pral kova o Og o ray his, oun leskre tsele forya. Das kek foro lestar, hoy mer gar dren lam. Kolla his 60 (shob-deesh) forya.

5. Mose 3:6

Oun mer dam hakenes moulo, kay kote djivell: morsha oun djouvya oun čave, yaake har les ninna o baro rayeha Sihon an Heshbon kram.

1. Samuel 6:18

Ninna dan le sonakangre kermuse, yek kermuso hako foreske, pral koleste i panč Filistarya i raya his: gar kokres i zorele foryenge, na-a ninna hako gab. Ko baro bar, kay čivan le o morhton pre, kay o Debleskre deesh laba dren hi, ko bar hi gomme kava dives čiddo ap ko kotar phoub, hoy hi ko morshes Yosua dran Bet-Shemesh.

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Ester 9:19

Doleske hi o 14. (deesh-te-starto) dives an o čon Adar i baro dives kol biboldenge, kay djivenn vin ap o them oun an i gaba. Oun yon rhan oun piyenn oun denn yek o vavareste lačo rhapen.