5. Mose 29:18 - O Debleskro Lab 2024 (Sinte-Manouche)

¹⁸ Kek te vell mank t'mende kava dives, kay shounell har kava praasepen vin rakedo vell, oun penell koy pashel an peskro dji: “Kova hi gar mange. Mange djal mishto, ninna te djau pal miro shero.” Kova vals djoungeles t'menge halauterenge, i lačenge har i čilačenge.

O Debleskro Drom 2021 (Sinte)

¹⁸ Kek te well mank tumende kau diwes, kai shunell har kau praassepen win rakedo well, un penell koi pashel an peskro dji: “Kowa hi gar mange. Mange djal mishto, ninna te djau pal miro shero.” Kowa wals djungeles tumenge halauterenge, i latchenge har i tchilatchenge.

5. Mose 29:18 Referans Kwoze

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

Jeremia 9:15

Me tradau len krik pash menshende, kay prindjrenn yon gar, vitar gar lengre phoure, oun kamau o rharo pal lende bičrell, bis te yon lauter moulo hi.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

Bičepangre 8:23

Me dikau, kay hal pherdo čilačo koova, oun ko čilačepen hi o ray pral toute.”

Amos 6:12

Nashenn i graya ap i bare barra? Na-a! Nashte boudrenn i harhe koy pre i groumyentsa? Na-a! T'mer rissrenn o čačepaskre laba yaake, te venn le har čomone, hoy marell, oun o čačo drom yaake, te hi lo har i shoutlo pipen!

Hosea 10:4

I bare raya krenn boud laba, denn pen rhorhene sobya, oun krenn pen vavar thementsa khetne. Kova, hoy kharenn le čačepen, hi har ko čilačo zenlepen, hoy vell baro ap i harhetikri phoub oun anell o merepen.

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

5. Mose 32:32

Yon molenn gar boudeder har i menshe dran Sodom oun Gomorra, oun hi har drakengre rouka, hoy hidjrenn djoungele drake, kolendar yek nasselo vell.

Debleskri gili 69:21

Kay ladj phagell miro dji, oun krell man nasselo. Patsom, te khaytoms me yekes, te vals yek kay, kay mange mire sva tele khossals. Na-a, kote his kek, gar yek, kay kova krals.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Jeremia 23:15

Doleske penell o baro Devel, ko ray pral o bolepen oun i phoub, pral lende: Kol rakepangre an Yerusalem kran, te kamenn i menshe an o tselo them či bouder mandar te djinell. Doleske dau me kal rakepangren rhapen te rhal oun pani te piyell, hoy krell len nasselo.

Debleskri gili 10:13

Hoske nay praasell tout kova, kay kamell toutar či te djinell? Hoske nay penell lo an peskro dji: “O Devel poučella gar palla.”

Jeremia 23:17

Kolenge, kay san pral o baro Debleskro lab, penenn le: T'menge djal mishto an ko tsiro, hoy vella! Oun kolenge, kay djan pal pengro shero, penenn le: Kek bibarht vell pral t'mende.