5. Mose 29:11 - O Debleskro Lab 2024 (Sinte-Manouche)

^11-12 Kava dives han kate, te djan t'maro baro Debleha koy sovel dren, te venn t'mer leskre menshe, oun yob t'maro Devel, yaake har lo t'menge glan i tsiro penas, oun ninna t'mare phourenge penas, o Abrahameske, o Isaakeske oun o Yakobeske. Oun yob krell t'mentsa vin, hoy lo t'mendar kamella.

O Debleskro Drom 2021 (Sinte)

^11-12 Kau diwes han kate, te djan tumaro baro Debleha koi sowel dren, te wenn tumer leskre menshe, un job tumaro Dewel, jaake har lo tumenge glan i tsiro penas, un ninna tumare phurenge penas, o Abrahameske, o Isaakeske un o Jakobeske. Un job krell tumentsa win, hoi lo tumendar kamella.

5. Mose 29:11 Referans Kwoze

2. Mose 12:38

Lentsa djan ninna boud menshe, kay his kek Israelitarya, ninna boud boud bakre, bouzya oun groumya.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

5. Mose 5:14

O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tiri groumni, tiri bourika tire vavar firhe, vitar gar kol vi-themarya, kay an tiro foro djivenna. Yaake har tou hounte boudress gar, hounte boudrenn tire boudepangre vitar gar.

4. Mose 11:4

Mank i Israelitarya his ninna vavar menshe, kay lentsa djan. Kolen vas i bari bok pal mass. Koy rovan kol Israelitarya ninna pale, oun penan: “Koon dell men mass rhapaske?

5. Mose 29:10

t'mare čave oun t'mare djouvya oun kol vi-themarya kolla mank t'mende djivenn, ninna kolla, kay t'menge o kasht tiknes denn oun o pani anenna.

Ezekiel 16:20

Tire čave oun ča, kay hi mire čave, kolen lal tou oun dal len lenge moulo, te rhan le len pre. His touke gar doha, te moukal man?

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.

Josua 24:25

Yaake kras o Yosua, te dan i Israelitarya o baro Debleske pengro lab, te hi yob lengro Devel. Oun kote an o foro Sichem, das lo len kol čačepaskre laba oun kol vavar laba, hoy sikrenn, hoy o Devel lendar kamell.

2. Rajengro liil 6:4

Oun yob djas lentsa. Oun har yon pash o Yordan van, dan yon rouka trouyel.

2. Familjakro liil 15:12

Oun yon dan pengro lab, te rikrenn le pen ap kova, hoy o baro Devel lengre phourentsa vin kras, te rodenn le les o tselo djiyeha oun i tseli zoryah.

2. Familjakro liil 23:16

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella.

Nehemia 10:30

yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.