5. Mose 28:65 - O Debleskro Lab 2024 (Sinte-Manouche)

⁶⁵ Mank kol menshende hatsenn kek platsa, kay khere han oun ačenn nashte. Oun o baro Devel dell t'men kote i dji, hoy o tselo tsiro darell. An t'mare yaka hi kek djipen bouder. Oun t'mer kamenn bouder gar te djivell.

O Debleskro Drom 2021 (Sinte)

⁶⁵ Mank kol menshende hatsenn kek platsa, kai khere han un atchenn nashte. Un o baro Dewel dell tumen kote i dji, hoi o tselo tsiro darell. An tumare jaka hi kek djipen buder. Un tumer kamenn buder gar te djiwell.

5. Mose 28:65 Referans Kwoze

3. Mose 26:36

Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

Remarja 11:10

Korelo venn lengre yaka, te dikenn le bouder či. Lengro troupo hounte vell bango hako tsiro.

Amos 9:4

Ninna te djan le pandles an i vavar them glan kolende, kay pandan len, moukau len kote o rhareha te marell. Me rikrau len an o yak, te krap len čilačepen, oun kek lačepen.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

1. Mose 8:9

I tauba hatsas kek platsa, kay nashte beshas pes li tele. His yaake boud pani ap i phoub. Doleske vas yoy an o panyeskro kheer pale. Oun o Noah las koy tauba o vasteha an o panyeskro kheer dren.

Louka 21:26

I tsele menshe ap i phoub hi paash-mulo i trashatar pral kova, hoy lauter ap lende vella. I bolepaskri zoor perell khetne.

Mateo 24:8

Kova lauter vella yaake pral i phoub, har i douka venn pral i djouvyate, kay lell i ternepen.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Ropaskre gilja 3:65

Kre lengre djia har i barra, oun čip tiro praasepen ap lende!

Jesaja 65:14

An ko tsiro, kay denn t'mer gole daryatar, oun rovenn dran i phagedo dji, hi mire boudepangre yaake barhtelo, te givenn le i barhtyatar.

Jesaja 57:21

Kek lačo koova hi i čilačenge, penell miro Devel.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

5. Mose 28:66

Hako tsiro hi t'men o merepen glan i yaka. Dives oun rati hounte darenn t'maro djipaske.

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Ropaskre gilja 5:17

Doleske hi maro dji nasselo, oun mare yaka vi-rovedo,