5. Mose 28:62 - O Debleskro Lab 2024 (Sinte-Manouche)

⁶² T'mer hans yaake boud menshe har i momlia an o bolepen. Te shounenn gar ap t'maro baro Debleste, ačenn t'mendar kokres i vast pherdo djido.

O Debleskro Drom 2021 (Sinte)

⁶² Tumer hans jaake bud menshe har i momlia an o bolepen. Te shunenn gar ap tumaro baro Debleste, atchenn tumendar kokres i wast pherdo djido.

5. Mose 28:62 Referans Kwoze

Nehemia 9:23

Oun lengre čaven moukal tou boudeder te vell har i momlia an o bolepen, oun anal len an ko them, kolestar tou ap lengre phourende penal, te djan le koy oun lenn ko them dren.

5. Mose 10:22

70 (efta-deesh) menshe his t'mare phoure, har le an o them Egiptia tele djan. Oun kanna kras t'maro baro Devel t'mendar yaake boud har i bolepangre momlia.

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.

Markus 13:20

Te krals o Devel ko čilačo tsiro gar tikneder, vals kek mensho dran o čilačo tsiro vin. Kolen, kay o Devel peske vin rodas, kolenge kras lo o čilačo tsiro tikneder.

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Nehemia 7:4

O foro Yerusalem his baro oun bourhlo, oun gar boud menshe djivan kote, oun kek khera his koy.

2. Rajengro liil 24:14

Oun o Neboukadnezar anas i tsele menshen dran o foro Yerusalem an peskro them Babilonia, i pralstoune, i bare lourde, oun i tsele boudepangre, kay nay boudran mishto o kashteha oun o sasteha. Kolla lauter his 10.000 (deesh zerya) pandle. Kek ačas pale, kokres i čorvele an o them.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

2. Rajengro liil 13:7

Yaake ačan o rayeske Yoakaz kek lourde pral, har kokres 50 (paash-sheel) klissepangre, deesh kourepangre vourdya oun 10.000 (deesh-zerya) pirengre lourde; Kol tsele vavar maras o baro ray pral o them Syria oun kras, te van le har i phoubyakri čik ap o drom.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

5. Mose 1:11

Mou čivell yob, ko Devel t'mare phourendar, gomme yek zero (1.000) kope yaake boud pashel. Mou čivell lo peskri barht oun zoor ap t'mende, yaake har yob pral t'mende vin rakras.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Amos 5:3

O baro Devel, maro ray, penell: An o foro, kolestar zero lourde vin djan an o kourepen, venn kokres sheel pale. An o foro, kolestar sheel vin djan an o kourepen, venn kokres deesh pale an o them Israel.