5. Mose 28:54 - O Debleskro Lab 2024 (Sinte-Manouche)

^54-55 I morsh t'mendar, koles hako tsireske doha ap halauter his, oun rayles djivas, ninna kova rhal peskre čaven, oun dikell pherdo zilvepen ap peskro phraleste oun ap peskri romyate oun ap peskro vavar čaveste, hoy leske gomme ačas, te lenn yon či ko massestar. Či vavar har kava mass ačas leske leskro tselo bravlepastar. Yaake baro hi koy daar oun koy bok an t'mare tsele forya, kay han dren pandlo kolendar, kay kourenn pen t'mentsa.

O Debleskro Drom 2021 (Sinte)

^54-55 I mursh tumendar, koles hako tsireske doha ap halauter his, un railes djiwas, ninna kowa chal peskre tchawen, un dikell pherdo silwepen ap peskro phraleste un ap peskri romjate un ap peskro wawar tchaweste, hoi leske gomme atchas, te lenn jon tchi ko massestar. Tchi wawar har kau mass atchas leske leskro tselo brawlepastar. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

5. Mose 28:54 Referans Kwoze

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

5. Mose 15:9

De tout yak, te vell touke gar an o dji, te dess les či doleske, kay ko eftato bersh gar bouder dour hi. Ma pen touke: Palle hounte moukap leske koy tseli siyaan. Oun yaake dikeh čilačes ap leste oun deh leste či. Oun yob dell gole ap o baro Debleste pral toute. Oun ap toute vell i doosh!

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

Micha 7:5

Pats kekeske, kek maleske, vitar kekeske, kay djivell pash toute! De garda hoy rakreh, ninna pash i romyate, kolat kameh.

Jesaja 49:15

Bistrell i djouvel peskro ternepen? Hi lat gar i kamlo dji leske, hoy yoy ap i phoub anas? Oun ninna te bistrals koya les nay, me bistrau tout gar.

Gosewe laba 28:22

Koles, kay bok pal i love hi, nashell o bravlepen palla, oun djinell gar, te vell yaake o čorvlepen pral leste.

Gosewe laba 23:6

Ma rha ko maro, hoy i činlo toute dell. Mouk tiro dji gar pal leskro lačo rhapen te nashell!

Debleskri gili 103:13

Yaake har i dad peskro dji pre krell peskre čavenge, yaake krell o baro Devel peskro dji pre kolenge, kay djivenn leha.

2. Samuel 12:3

Ko čorveles his či har i tikno bakro. Kova ginas yob peske, das les te rhal, oun kova vas baro leskre čaventsa. Ko tikno bakro rhas leskro rhapastar, piyas dran leskro čaro, oun sovas ap leskre herya. Ko tikno bakro his leske har peskri čay.

Mateo 11:8

Koon kaman t'mer te dikell? Kaman t'mer i morshes te dikell, kay an kouč koola rido hi? Na-a, savo morsh hi lo vitar gar! Kolla, kay rivenna kouč koola, djivenn an i rayengre khera.

5. Mose 28:53

An ko tsiro, kay han yaake dren pandlo an t'mare forya, vell t'men savi bok, te rhan t'mer t'mare čaven, ko mass t'mare morsh čavendar oun čendar, kolen t'maro baro Devel t'men das.