5. Mose 28:27 - O Debleskro Lab 2024 (Sinte-Manouche)

²⁷ O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

O Debleskro Drom 2021 (Sinte)

²⁷ O baro Dewel bitchrell tumen sawo nasslepen, hoi lo glan i rah tsiro i Egiptarjen das: I djungelo nasslepen well ap tumaro mass, dukepen phagell pre, un tumaro mass chatchell un chandjrell. Un kek drab hi koi, hoi nai krell tumen sasto.

5. Mose 28:27 Referans Kwoze

1. Samuel 5:6

Oun o baro Debleskro vast čivas pes phares ap i menshende an Ashdod oun anas bibarht ap lende. I djoungelo nasslepen vas ap kolende, kay djivan an Ashdod oun an i gaba trouyel.

5. Mose 28:35

O baro Devel krell, te phagell djoungelo doukepen pre ap t'mare herya. Ava, t'mare pirendar bis ap t'mare sherya han pherdo doukepen, oun nay venn gar sasto kolestar.

3. Mose 21:20

te hi les i bango doumo, te hi lo yek, kay tikno ačas, oder koles i parno kotar an i yak hi, oder i nasslepen ap peskri hauta hi, oder yek, koleske tella lauter pash dino hi.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 9:9

Palle vell i čik phourdedo pral o tselo them Egiptia. Oun i menshe oun i firhe taprenn i djoungelo nasslepen ap pengro mass.”

Jesaja 3:17

Doleske moukau me, o baro Devel, i čiklo doukepen ap lengre sherya te vell, oun moukau lenge i tsele balla tele te činell.

Debleskri gili 78:66

Oun yob das kolen, kay kouran pen peskre menshentsa oun tradas len pale. Lengri ladj ačas hako tsireske ap lende.

1. Samuel 5:12

Ninna kol menshe, kay gar meran, lan i djoungelo nasslepen. Oun koy gole an ko foro djas pre an o bolepen.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.

2. Mose 9:11

Kava kopo nay van i dourkepangre gar glan o Mose, te krenn le yaake har yob. Ko djoungelo nasslepen his ninna ap lende har ap hako Egiptari.

5. Mose 7:15

Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.

5. Mose 28:28

Ninna krell lo t'men narvelo oun korelo. Oun t'mer venn nasselo an o shero.

Amos 4:10

Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.

2. Mose 9:10

Oun o Mose oun o Aron lan čik dran o bob oun djan glan o Farao. Oun o Mose vitsras koy čik pre an o bolepen. Koy tapran i menshe oun i firhe i djoungelo nasslepen ap pengro mass.