5. Mose 28:12 - O Debleskro Lab 2024 (Sinte-Manouche)

¹² Yob krell t'menge o bolepen pre oun dell brishin an o čačo tsiro ap t'maro them, oun čivell peskri barht ap halauter, hoy t'mer krenna. Oun t'mer patsenn i menshenge an boud themma. Lendar hounte patsenn t'menge či.

O Debleskro Drom 2021 (Sinte)

¹² Job krell tumenge o bolepen pre un dell brishin an o tchatcho tsiro ap tumaro them, un tchiwell peskri bacht ap halauter, hoi tumer krenna. Un tumer patsenn i menshenge an bud themma. Lendar hunte patsenn tumenge tchi.

5. Mose 28:12 Referans Kwoze

5. Mose 15:6

Yob rikrell peskro lab, hoy lo t'mende das, oun dell t'men yaake boud, te nay patsenn t'mer love i menshenge dran vavar themma. T'mer hounte patsenn t'menge kekestar love. T'mer venn i raya pral i menshende an boud vavar themma. Pral t'mende vell kek vavar them o ray.

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

3. Mose 26:4

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

Gosewe laba 22:7

O bravelo hi o ray pral o čorveleste. Oun kova, kay patsell peske love, hounte boudrell koleske, pash koleste yob siyaan hi.

5. Mose 14:29

Palle nay venn i Levitarya, kolen kek phoub hi, kay an tiro foro djivenn, ninna i vi-themarya, i čave, kolen kek dad bouder hi, oun i djouvya, kolengro rom meras, oun yon te rhan oun venn čales. Te krenn t'mer yaake, čivell t'maro baro Devel peskri barht ap halauter, hoy krenna.

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

5. Mose 28:44

Yon patsenn t'menge love, t'mer patsenn lenge nay kek love. Yon venn o shero, t'mer venn o pori.

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

5. Mose 23:20

Te patsal love tiro phrales, less tou kek love boudeder ap kol love, hoy tou les patsal, vitar gar pash rhapen oun vavar koova, hoy yek nay patsell. Tou less kova pale, hoy tou les dal, oun gar boudeder.

5. Mose 28:24

Ava, brishin dell gar bouder ap t'mende tele. Na-a, čik oun santa phourdell o baro Devel pral t'maro them, bis te han moulo.

1. Rajengro liil 18:1

Pal i rah tsiro, an o triinto bersh, kay bokenn le, penas o baro Devel ap o Eliya: “Dja, mouk tout te dikell glan o Ahab. Me moukau o brishin te vell ap i phoub!”

Ezekiel 34:26

Oun me čivau miri barht ap lende oun ap o tselo them, hoy troul miri berga hi. Oun dau brishin an o čačo tsiro. Kava lačo brishin krell,