5. Mose 27:13 - O Debleskro Lab 2024 (Sinte-Manouche)

¹³ Oun i menshe dran i khera Ruben, Gad, Asser, Zabulon, Dan oun Naftali kolla djan ap i berga Ebal, te shounenn le, havo praasepen nay vell pral i menshende vin rakedo.

O Debleskro Drom 2021 (Sinte)

¹³ Un i menshe dran i khera Ruben, Gad, Asser, Sebulon, Dan un Naftali kolla djan ap i berga Ebal, te shunenn le, hawo praassepen nai well pral i menshende win rakedo.

5. Mose 27:13 Referans Kwoze

Josua 8:33

Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.

5. Mose 11:29

Te anell t'men t'maro baro Devel an ko them, an koleste t'mer venn, te lenn les t'menge dren, palle denn koy barht vin gole ap i berga Garizim, oun i bibarht ap i berga Ebal.

1. Mose 30:20

Oun penas: “O Devel das man i kouč koova. Kava kopo sharell man miro rom. Anom leske shob čaven ap i phoub.” Oun yoy das les ko lab Zabulon.

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

5. Mose 27:12

Te djan t'mer vergel o panyestar Yordan, hounte djan i menshe dran i khera Simeon, Levi, Youda, Issakar, Yosef oun Benyamin ap i berga Garizim, te shounenn le havi Debleskri barht pral i menshende vin rakedo vell.

5. Mose 27:14

Oun i Levitarya hounte denn ap i tsele morshende an Israel gole, oun penenn: