5. Mose 26:11 - O Debleskro Lab 2024 (Sinte-Manouche)

¹¹ Ab barhtelo pral ko tselo lačo koova, hoy yob tout oun tiri familya das. De ninna kolestar kol Levitaryen oun kol vi-themaryen, kay mank t'mende hi.

O Debleskro Drom 2021 (Sinte)

¹¹ Ab bachtelo pral ko tselo latcho koowa, hoi job tut un tiri familja das. De ninna kolestar kol Levitarjen un kol wi-themarjen, kai mank tumende hi.

5. Mose 26:11 Referans Kwoze

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Jesaja 65:14

An ko tsiro, kay denn t'mer gole daryatar, oun rovenn dran i phagedo dji, hi mire boudepangre yaake barhtelo, te givenn le i barhtyatar.

5. Mose 28:47

T'maro baro Devel das t'men boud lačo koova, ava, boudeder har doha lauterestar. Oun t'mer hans gar leske koy i barhtelo djiyeha.

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

1. Korintarja 9:11

Te anam mer t'menge o Debleskro lab, nay denn t'mer men ninna te rhal.

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

5. Mose 27:7

oun vavar, kolengro rat leske vin čoredo vell, oun kolengro mass t'mer khetne rhan, oun barhteles han glan leste.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Sikepaskro 3:12

Doleske penom mange: Či hi feteder o mensheske, har te djivals lo i shoukar djipen oun hi barhtelo koy pashel.

Sikepaskro 3:13

Yaake nay penah: Mer te rhas, piyas oun boudras i barhtelo djiyeha. Kova lauter vell men o Deblestar.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Sikepaskro 7:14

Te hi tout i lačo tsiro, palle mouk les touke lačes te djal. Te hi tout i djoungelo tsiro, palle dikess dren: O Devel kras ko yek tsiro har ko vavar, te djinell o mensho gar, hoy vella an kol divessa, kay venna.