5. Mose 2:7 - O Debleskro Lab 2024 (Sinte-Manouche)

⁷ Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

O Debleskro Drom 2021 (Sinte)

⁷ Ma bistrenn, maro baro Dewel das men bacht an halauter, hoi mare wasta kran. Job das jak ap mende ap o drom an kau baro mulo them: Star-deesh (40) bersha his o baro Dewel mentsa, un halauter hoi men hunte was, das lo men.

5. Mose 2:7 Referans Kwoze

Louka 22:35

Oun yob penas ap peskre malende: “Har me t'men ap o drom bičrom, his t'men kek love, vitar kek gono oun kek kirrha pash t'mende. His t'men bok? His t'men troush?” Penan le: “Na-a, gar yek kopo!”

Nehemia 9:21

Star-desha bersha dal len lauter, hoy len hounte his o djipaske. Lengre koola djan gar paash, lengre pire van gar pesso.

5. Mose 29:5

T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

Debleskri gili 31:7

Me nay dikau kolen gar glan i yaka, kay mangenn vavar deblen an. Me rikrau man ap toute, baro Devel.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Debleskri gili 90:17

Tou ray, maro Devel, dik lačes ap mende, oun čip tiri barht ap kova, hoy mare vastentsa krah. Ava, mouk mari boudi mishto te djal!

1. Mose 26:12

O Isaak čivas djob an i phoub an ko them. Oun o baro Devel čivas peskri zoor koy pre. Yaake las o Isaak an ko bersh sheel kope yaake boud djob, har lo an i phoub čivras.

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 39:5

Ap ko tsiro, har o Egiptari Potifar das peskro kheer oun halauter, hoy leskro his, an o Yosefeskre vasta, čivas o baro Devel peskri zoor oun peskri barht ap i menshende an o Potifareskro kheer. Yaake rah har o Yosef koy his, his o baro Debleskri zoor oun peskri barht ap halauter, hoy les his an o kheer oun ap o them.

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

4. Mose 14:33

T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral.

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

4. Mose 32:13

Yaake vas o baro Debleskri rholi pral i Israelitarya, oun yob moukas len trouyel te djal an o moulo tato them star-deesh bersha, bis te kek bouder koy his kol tsele menshendar, kay rhoyran o baro Debles.

5. Mose 1:19

Mer kram, hoy maro baro Devel menge penas, oun djam doureder oun moukam i berga Horeb pal mende, oun kram men ap o drom an o pralstouno them, kay i Amorarya djivan. Ap maro drom hounte djam an o baro moulo them trouyel, hoy yaake dareno hi, har t'mer dikan, oun vam pash o foro Kadesh-Barnea.

5. Mose 1:46

Yaake ačan t'mer ap i panyengri platsa Kadesh i rah tsiro.

5. Mose 2:6

Te venn an lengro them, ginenn rhapen loventsa lendar, te vell t'men čomone te rhal. Oun ninna pani ginenn loventsa lendar, te vell t'men čomone te piyell.”

5. Mose 2:14

Kova his 38 (triyanda-te-orhta) bersha pal ko dives, kay djam o ersto kopo dran Kadesh-Barnea. An ko tsiro bersha meran i tsele kourepangre dran Israel, yaake har o baro Devel pes sovel das, te vell kova yaake.

Debleskri gili 107:4

Mank lende his save menshe, kay his nashedo an o moulo tato them. Kek drom hatsan le, vitar kek foro, kay menshe djivenna.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Hosea 13:5

Me hom, kay dom garda ap t'mare phourende an o moulo tato them, kote kay kek zenlepen hi.

Amos 2:10

Me anom t'men vin dran o them Egiptia, djom glan t'mende star-deesh bersha an o moulo tato them, oun dom t'men o them, kay i Amorarya khere his, te vell lo t'menge.

1. Mose 39:3

Har leskro ray Potifar dikas, kay o baro Devel pash o Yosefeste his oun les barht das an lauter, hoy yob peskre vastentsa kras, his yob lačes ap leste.

2. Mose 16:35

Oun i Israelitarya rhan ko Manna star-deesh bersha, yaake rah bis te van le pash ko them Kanaan.

4. Mose 1:1

Oun o baro Devel rakras o Moseha an o moulo tato them Sinay, an o Debleskro plarhteno kheer, ap o ersto dives, an o douyto čon, an o douyto bersh, har yon dran ko them Egiptia vin djan. Oun o baro Devel penas:

4. Mose 22:12

O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.