5. Mose 18:15 - O Debleskro Lab 2024 (Sinte-Manouche)

¹⁵ I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

O Debleskro Drom 2021 (Sinte)

¹⁵ I Debleskro rakepaskro, har me jek hom, jek, kai well tumendar, koles bitchrell tumaro baro Dewel pash tumende. Ap koleste shunenn!

5. Mose 18:15 Referans Kwoze

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Louka 9:35

Koy shounan le i rakepen dran i folka, hoy penas: “Kava hi mo čavo, yob hi o vi-rodedo! Shounenn ap leste!”

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Johanni 6:29

Penas o Yezous ap lende: “O Devel kamella, te patsenn ap koleste, kay yob bičras.”

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

Johanni 1:25

Yon poučan lestar: “Te hal tou gar o Kristo, vitar gar o Eliya, oun vitar gar ko Debleskro rakepaskro, kolestar penlo vas, te vell yob, hoske taufreh tou i menshen?”

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

5. Mose 34:10

An kek tsiro his an Israel i vavar Debleskro rakepaskro har o Mose, koleha o baro Devel yak an yak rakras.

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

5. Mose 5:5

Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Johanni 4:19

Penas koy djouvel: “Romeha, me dikau, tou hal i Debleskro rakepaskro.

Johanni 9:17

Oun pale poučan le kolestar, kay sasto vas: “Hoy peneh tou lestar, kay yob tire yaka pre kras? Hoy peneh tou, koon yob hi?” “Yob hi i Debleskro rakepaskro,” penas lo.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

4. Mose 12:8

Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”

Hosea 12:14

O baro Devel bičras peskro rakepaskres, te anell lo i Israelitaryen dran o them Egiptia vin. Oun leskro rakepaskro das yak ap lende.