5. Mose 17:17 - O Debleskro Lab 2024 (Sinte-Manouche)

¹⁷ Vitar gar hounte lell peske t'maro baro ray boud djouvyen, te vell leskro dji gar tele anlo o čačo dromestar. Ninna lell lo peske gar boud roup oun sonakay khetne.

O Debleskro Drom 2021 (Sinte)

¹⁷ Witar gar hunte lell peske tumaro baro rai bud djuwjen, te well leskro dji gar tele anlo o tchatcho dromestar. Ninna lell lo peske gar bud rup un sonakai khetne.

5. Mose 17:17 Referans Kwoze

Nehemia 13:26

“Djinenn gar”, penom, “te kras o baro ray Salomo savo koova oun anas doosh ap peste? Oun an boud vavar themma, his kek baro ray har yob his. Oun o Devel kamas les yaake, te kras lo, te vell lo ray pral o tselo them Israel. Ninna les anan peskre romya dran kol vavar themma yaake dour, te anas lo doosh ap peste!

Mateo 19:5

Oun yob penas: Doleske moukell i morsh peskro dades oun peskri dat, te djivell lo peskri romyah khetne. Oun kol douy venna har yek.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

1. Mose 2:24

Doleske moukella i rom peskro dades oun peskri dat oun djala peskri romyah. Oun yon venna yek.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

1. Rajengro liil 10:21

Oun i tsele pipaskre čare o rayestar Salomo his dran sonakay, oun ko tselo koova an o kheer, hoy kharell Libanoneskro veesh, his dran djoudjo sonakay, či his dran roup kerdo. Rup his an i divessa, kay o Salomo o baro ray his, či moldo.

2. Samuel 5:13

Har moukas o David o foro Hebron oun djivas an o foro Yerusalem, las lo peske boudeder romyen oun ninna vavar djouvyen. Oun leske van boudeder čave oun ča boldo.

2. Samuel 12:11

Yaake penell o baro Devel: Me moukau bibarht pral toute te vell, hoy vell dran tiri familya. Oun kamau tire romyen toutar krik te lell glan tire yaka, oun dau len i vavareste, te sovell kova pash lende mashkral ap o dives.

1. Rajengro liil 10:27

Oun o baro ray kras, te his an o foro Yerusalem yaake boud roup har barra. Oun i cedertikre rouka his yaake boud har i divye faygetikre rouka an o telstouno them.

2. Familjakro liil 1:15

Oun o baro ray kras, te his an o foro Yerusalem yaake boud roup oun sonakay har barra. Oun i cedertikre rouka his yaake boud har i divye faygetikre rouka an o telstouno them.

2. Familjakro liil 11:21

O Roboam kamas i Maaka, kolakro dad o Abishalom his, boudeder har leskre tsele romyen oun vavar djouvyen. Les his 18 (deesh-te-orhta) romyen oun 60 (shob-deesh) vavar djouvyen. Oun yob vas o dad 28 (biish-te-orhta) morsh čavendar oun 60 (shob-deesh) čendar.

Gosewe laba 31:3

Ma de tiri zoor i djouvyenge! Ma dja ko drom, ap koleste i bare raya nashedo djan.

1. Familjakro liil 14:3

Oun o David las peske boudeder romya an o foro Yerusalem, Oun leske van boudeder čave oun ča boldo.