5. Mose 12:30 - O Debleskro Lab 2024 (Sinte-Manouche)

³⁰ Ap ko tsiro, kay yon bouder gar koy hi, denn t'men yak, te moukenn t'men gar ap lengre dromma te anell! Ma poučenn: Har mangan kolla pengre deblen an? Yaake kamah mer les ninna te krell.

O Debleskro Drom 2021 (Sinte)

³⁰ Ap ko tsiro, kai jon buder gar koi hi, denn tumen jak, te mukenn tumen gar ap lengre dromma te anell! Ma putchenn: ‘Har mangan kolla pengre deblen an? Jaake kamah mer les ninna te krell.’

5. Mose 12:30 Referans Kwoze

Ezekiel 20:32

Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.

Jeremia 10:2

Kova penell o baro Devel: Ma djan i dromma, hoy i menshe an vavar themma djana! Yon darenn glan o sikepen, hoy krenn i momlia ap o bolepen. T'mer hounte darenn kova gar.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

4. Mose 33:52

hounte tradenn kol tsele menshen, kay djivenn kote, glan t'mende krik. Oun lengre tsele barrengre oun sasterne deblen, hoy kran yon penge, krenn paash, ninna kol pre-čidde barra.

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

2. Mose 23:24

Ma mangenn lengre deblen an! Ma anenn firhen, te rhačrenn len lenge! Ma krenn yaake har kolla, kay an ko them djivenna! Denn lengre tsele deblen paash, oun phagenn kol bare barra, hoy yon lenge pre-čivan!

5. Mose 12:29

T'maro baro Devel tradell i vavar menshen glan t'mende vin dran o them, kay t'mer venna. Oun t'mer lenn lengro them t'menge dren oun djivenn kote.

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.

5. Mose 20:18

Te krenn t'mer kova gar, anenn le t'menge pashel, har te krenn ko tselo djoungelo koova, hoy yon pengre deblenge kran. Oun yaake anens t'mer doosh ap t'mende glan t'maro baro Debleste.

3. Mose 18:30

Doleske, djivenn yaake har me t'menge penom! Ma krenn ko pale-čiddo koova, hoy kolla kran, kay glan t'mende kate his! Ma krenn t'men savo koveha pale-čiddo! Me, o baro Devel, hom t'maro Devel.

5. Mose 11:16

Denn t'men yak, te moukenn t'men gar krik te anell o baro Debleskro dromestar, oun perenn lestar tele oun mangenn vavar deblen an, oun vitsrenn t'men glan lende tele.

5. Mose 18:9

Te venn t'mer an o them, hoy t'maro baro Devel t'men dell, palle krenn gar ko djoungelo pale-čiddo koova, hoy krenn i menshe, kay kote djivenn.

2. Rajengro liil 16:10

Oun o baro ray Ahas djas an o foro Damaskus, te dikell lo kote o baro rayes dran o them Assour, o Tiglat-Pileser. Oun har lo koy sasterni rhačepaskri dikas, kay an o foro Damaskus tardo hi, kote bičras o baro ray Ahas peskre bičepangre pash o rashay Ouriya oun moukas leske te sikrell, har koy rhačepaskri vin dikell oun har baro koya hi oun har li kerdo vas.

Ezekiel 11:12

Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.