5. Mose 12:25 - O Debleskro Lab 2024 (Sinte-Manouche)

²⁵ Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.

O Debleskro Drom 2021 (Sinte)

²⁵ Te krenn jaake, hi kowa mishto glan o baro Debleskre jaka, un tumenge un tumare tchawenge pal tumende djal mishto.

5. Mose 12:25 Referans Kwoze

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

5. Mose 13:18

Oun rikrenn t'menge či kolestar, hoy hounte kran paash! Palle lell o baro Devel peskri bari rholi t'mendar krik, oun vell t'menge lačo, oun krell t'menge pale peskro dji pre, te krell lo t'mendar boud oun boudeder menshe, yaake har lo pes glan t'mare phourende sovel das.

5. Mose 6:18

Te krenn, hoy čačo oun lačo hi glan leskre yaka, djal t'menge mishto. Oun t'mer venn dren an ko lačo them, kolestar o baro Devel t'mare phourenge penas, te tradell lo kolen glan t'mende kote vin, kay t'men gar kamenn. Oun yob das ninna peskro vast koy pre.

Ezekiel 33:25

Doleske pen lenge: Kava penell o baro Devel, maro ray: T'mer rhan ko mass o rateha, oun mangenn rhorhene deblen an oun marenn menshen! Patsenn čačepah, ko them hi t'maro?

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Debleskri gili 112:2

Koleskre čave venn zoreles an o tselo them. O baro Devel čivell peskri barht ap kolengre čavende, kay o čačo drom djan.

5. Mose 12:28

Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 12:24

Čore o rat vin ap i phoub har pani.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

5. Mose 21:9

Yaake krenn t'mer, hoy mishto hi glan o baro Debleskre yaka, oun čivenn ko čilačepen krik mashkral t'mende. Oun yob dikell gar ap t'mende, har te vans t'mer, kay dan koles moulo.